لأنها الفتره اللى بتتكون فيها " السخصيه " و بتتحط اسسها اللى ما بتتغيرش غالبا بعد كده
فمثلا الواحد اللى بيقعد يتريق على خلق الله اللى رايحين و اللى جايين
بيبقى لما يكبر .... لا لا مش بلياتشو ( اللى هو الاراجوز ابو مناخير حمرا ) .... بيتريق على الناس و مش بيقدر يتحكم فى نفسو , و الناس اللي بيتريق عليهم .... بيطلعو غالبا شخصيات مهزوزه و متردده فى قراراتها و مش واثقه فى نفسها
و غالبا الاهل مش بيفهمو ده
و لو قلتلهم : الواد برعي بيتريق عليا
يقولو : اللى يتريق عليك اضربو على شان بعد كده يفتكر الوجع و يسكت
و يا اما الولد ينفز و يبقى مجرم بعد كده و كل اللى يكلمو يضربو , يا ما برعي بيضرب الولد و يفضل يتريق عليه على طول
لكن الحلول السلميه , غالبا مش بيبقى ليها مكان
المهم .....
ساعات كده الواحد و هو قاعد بيفكر - و غالبا فى الحمام .... مكان التفكير المثالى !! - بيجي سؤال فى بالو
لو المراهقه اساس الشباب , يبقى ايه اساس المراهقه ؟؟
و اكيد الاجابه الطبيعيه
ان الطفوله هي اساس المراهقه
يعني لو طفولتك سليمه , يبقى مراهقتك غالبا بتبقى سليمه
و حيث ان اللى قاعد فى الكنبه اللى ورا ده على طول يقول : ازاي ؟؟
ناخد كده شوية حتت من حياة حنكش
فاكرينه طبعا من البوست القديم
يوم الولاده.......
الجده : مبروك يا حبيبتشي جبتشى ولد
الام : هو فين , نفسى اشوفه
الجده : مـ....مـ....
الام : ما ايه ...؟؟ الولد فيه حاجه ؟
الجده : لا لا لا .. بعد الشر , بس يعنى ....ما تستنى شويه تلاقيكى تعبانه , و بعدين اول ما العيل ينزل تحطي مكانه فرخه على طول
الام : لا لا , فراخ ايه بس .... انا الحمد لله كويسه , هاتيه بقى ونبى
الجده : طب اتفضلى ياختشى .....بسم الله
الام فى عقلها : يا خبر اسود !!
الام : ماما , انتى متأكده ان ده ابنى ؟؟ , ما اتبدلش فى المستشفى ولا حاجه ؟؟
الجده : يالاهوى , هو احنا برضه رايحين حته عيره يا حبيبتشى , لأ طبعا ...ده ابنك
الأم فى سرها : ازاى ده ابنى , انا ابيضه و جوزى ابيضه , ازاى نجيب الـ....الـ..... ... الجرو ده ؟!
الاب بعد ما جالو الخبر السعيد : ولد ؟؟ , يبقى هاسميه حنكش , هو فين ؟؟ نفسى اشوفه , بسم الله ما شاء الله شكله كده وزنه كويس و كبير .
الاب بيرفع غطا ورا ملايه ورا بطانيه ورا كوفرته( فى ناس بتقول عليها " كابرته " على فكره )
الاب فى سره : هو الواد بيصغر كده ليه ؟؟ شكلنا كده اتخمينا فيه !!
الاب يفاجأ بطفل ضئيل الحج و تعابير الصدمه اللى ظهرت على وشه " مسخه طلق الاصل " من اللى ظهر على وش الام
حنكش كان عامل ازاي يا ترى ؟
اسمر , احول , سفيف " قد الجبنه البريتو اللى بتزغزغ " , الرياله مغرقاه " ولا شلالات نياجرا "
سنه و نصف........
الام بترتب أوضة نومها و سابت حنكش جمبها
الاب يدخل و على طول يتنرفز مع شلحة من المفاجأه و نفحة من الصدمه
الاب لقى حنكش ماسك ازازة " الريحه " الغاليه و بيفضيها على التسريحه
الام : انت جيت , ها عملـ .......!!! , يالاهوى
حنكش : جاجا......ني ني نيييييييييييييييييييييييياااااااااااااااا
الاب بيدي حنكش قلم خدامين , بيطيره من ع التسريحه و يلزق فى عارضة السرير اللى فى الناحيه التانيه من الاوضه زي الستيكر اللى بيطلع فى علب الجبنه " النستون " كده
حنكش : إهئ إهئ , عاااااااااااااااااااااااا
الام تجري و تشيله و هي بتطبطب عليه : معلش ياحبيبى , كرى كرى كرى
حنكش: هـ...هـ....ههـ...., جاجا جاااااااااهاهاهااااا
سنتين.......
حنكش بيقول كلام مش مفهومه " زى ما يكون بيسحر لحد "
الام كالعاده بتروق الشقه
حنكش : تييفوووووون , هاهااااا
كراااااااش طش بوووووووووووم
جريت الأم لاوضة الصالون
لتفاجأ بالتليفون الصينى و اللى بقى اشلاء على الارض
الام : يا خراشاااااااااااااااااايييييييييييييييي
حنكش : ماما , حبك انا
الام : حبك انا ؟ حبنى انا ؟! , انا هاوريك يا بوز الاخص
الحاجه ام حنكش بتجري , و ترجع و فى ايدها المقشه
اللى نفضت بيها حنكش تنفيضه تمام " ولا اجدع سجاده ! "
خمس سنين .............
اول يوم فى حضانة الدوده السعيده , و حنكش مستحمي و واخد الزمزميه بتاعة سبايدر مان
المدرسه : وقت الاكل يا حبايبي
بنت : الحق يا ثريف ( شريف يعني ) , الواد حنكث معاه مزمزيه ( طفله بقى يعني )
شريف : ممكن اخد بق من العصير اللى فى المزمزيه ؟
حنكش : لأ .... ماما قالت غلط , و بعدين دي ميه
البنت : امثكو يا ثريف
و خدت الزمزميه و جريت هي و ثريـ... أحم , شريف .. و شربو كل اللى فيها
و انتهى اليوم بحنكش مروح فى الباص و دموعه على خده و بيقول : عايز مامااااااااا !
فاكرين اغنية عبد الحليم ؟
خليك متابع البوست ده دايما
lol = الضحك قوي
e7l = الحمد لله
msa = لأ مش الجامعه .... ما شاء الله
isa = ان شاء الله
fb = الفايس بوك
و حيث ان الزمن بيتطور , و احنا كمان بنتطور مع ظهور كل الحاجات " التكنولوبيه " الحديثه بتاعت الناس الصينيين ..... و مع كل ده كان لازم اللغه تتطور و تظهر مصطلاحات جديده , و كلمات قديمه معناها الاصلي بيتغير و يبقى حاجه تانيه , و غالبا بتلاقى كلمات كتير مقتبسه من افلام او مسلسلات .
فكك من .... " ممكن مني او اى حاجه تانيه " = يعني سيبك من الموضوع / ما توجعليش دماغي / حل عن قفايا
اشتغاله / مزاوله = مقلب او خدعه
فاكِس = الحاجه الفكسانه هي البايظه اللى مافيش امل منها , سواء كان موضوع او انسان , و فاكس عليك يعني كلامك او انت مش عاجبني
مسقّط /فاصل / قاطع / بيهنج = و دي معناها ان الواحد تعبان جدا و هايموت و ينام
النتش = الكدب , الفعل " ينتش " و الفاعل " نتّاش "
مزه / صاروخ / حته / مكنه / فرسه = كلها الفاظ دارجه بتعبر عن بنت حلوه جدا , و ساعات البنات بتقولها ع الولاد
روش / ستايل / كول / مرجلش = حد من الشباب اللى ع الموضه اللى كانو بيقولو عليهم زمان " خنافس "
فحت / فحيت / آخر حاجه / الفعل المطلق + السنين / موت / جدي = جدا او قوي
نفض / احلق / كبر = سيبك من الانسان او الموضوع ده
حد = لأ مش يوم الحد , و انما هو الشخص
اكيد طبعا بعد الجرعه الثقافيه الهايله دي
ياااااااه
