من فتره كده و الدنيا بقت غريبه قوي
و الحال بقى على الأرض خالص ( تخطى مرحلة " المايل " )
و الوقت و الايام بقو كئيبين بدرجه غريبه
و الفايس غير لونه من ازرق فى ابيض
لـ.......أسود فى أسود غامق !!
بعد أحداث بور سعيد , هتلاقي ان كل حاجه من حواليك بقت نكد و كأيبه , تلت تربع صحابك حاطين صور سوده ع الفايس ( الربع الفاضل بينقي احلى صوره سوده ) , و كله بيعمل شير لصور الضحايا و الفيديوهات اللى ليها علاقه بيهم , او بيكتفى انه يعمل ستاتس يعبر بيها عن الحزن و المشاركه الوجدانيه فى الأحداث . و من الصور السوده نروح لصور د/أبراهيم الفقي و منه للأستاذ جلال عامر , على كام صوره لويتني هيوستن ! . و تلاقي اي حد جاي يغير صورته , يقعد يحلف و يقسم انه ما نسيش الشهدا او الاموات و انه بيغير الصوره على شان المولد او على شان يظهر حزنه على شخصيه تانيه . و بكده نخرج من كل ده أن الحزن و ذكرى الاموات بتكون بصورتك على الفايس , و ان كل الناس مهتمه ب الموضوع لدرجة انك لازم تقعد تحلف و توضح اسبابك ( اللى لازم تكون مقنعه ) اللى بتغير على شانها صورتك .
و الحال بقى على الأرض خالص ( تخطى مرحلة " المايل " )
و الوقت و الايام بقو كئيبين بدرجه غريبه
و الفايس غير لونه من ازرق فى ابيض
لـ.......أسود فى أسود غامق !!
بعد أحداث بور سعيد , هتلاقي ان كل حاجه من حواليك بقت نكد و كأيبه , تلت تربع صحابك حاطين صور سوده ع الفايس ( الربع الفاضل بينقي احلى صوره سوده ) , و كله بيعمل شير لصور الضحايا و الفيديوهات اللى ليها علاقه بيهم , او بيكتفى انه يعمل ستاتس يعبر بيها عن الحزن و المشاركه الوجدانيه فى الأحداث . و من الصور السوده نروح لصور د/أبراهيم الفقي و منه للأستاذ جلال عامر , على كام صوره لويتني هيوستن ! . و تلاقي اي حد جاي يغير صورته , يقعد يحلف و يقسم انه ما نسيش الشهدا او الاموات و انه بيغير الصوره على شان المولد او على شان يظهر حزنه على شخصيه تانيه . و بكده نخرج من كل ده أن الحزن و ذكرى الاموات بتكون بصورتك على الفايس , و ان كل الناس مهتمه ب الموضوع لدرجة انك لازم تقعد تحلف و توضح اسبابك ( اللى لازم تكون مقنعه ) اللى بتغير على شانها صورتك .
و على شان جو النكد و الحِزن يكمل , هتلاقي كام واحد حاططلك شريطه سوده على صورته , على كام واحد تاني بيعتذرو لكل الناس عن كل اللى عملوه فى حياتهم , و بيسامحو كل الناس كمان ( رجعتلهم الذاكره فجأه ) , و كأننا محتاجين فوق الـ100 واحد يموتو على شان نفتكر اننا لازم نعتذر لكل اللى غلطنا فى حقه و نسامح كل اللى غلط فى حقنا !! .
اللى لازم نكون متأكدين منه , ان الحزن عمره ما كان بصوره و خلاص , ولا كان بكلمتين او ستاتس تعرّف كل الناس بيهم انك حزين . ذكرى الشخص و الحزن الحقيقي , بتبقى فى القلب , فى العقل .... فاكرينه , و حاسين بكوكتيل معتبر من المشاعر اللى مالهاش علاقه ببعض ... ى ذكرى هايوحشنا , و واحده تانيه هايفرّحنا , و ف اللى بعدها هايزعلنا , و ممكن قوي ينرفزنا كمان ! . زي ما قولنا قبل كده , اننا ك مراهقين نحب نعيش الجو و نعمل لنفسنا الأتموسفير ( الجو ... بس الجو الجو , مش الجو التاني !! ) اللى يخيلنا نعيش الاحداث , ده غير انه بطبيعتنا , ف اغالبنا مندفع و بيتأثر ب اللى بيتقال حواليه بسرعه , على الاقل فى الفتره اللى بيكون لسه فيها بيخش من باب المراهقه ( زقه حلوه كده , أحسن الباب مصدي بقاله فتره ) .
حاجه كمان لازم نبقى عارفينها , ان صورتك و شيرك و ستاتسك السوده , مش بس بتكأبك و بتخلي فى نوع من " السواد المغلي " حواليك , إلا انك كمان بتنكد اللى حواليك و كل السلبيه اللى عندك بتلزق فى وشهم اول ما يفتحو الفايس ! . و ب التالى بيبقى الفايس عباره عن لوكشه واحده من السواد و السلبيه و الحزن ! . لدرجة ان اغلبنا بقى حاسس ان الموت حواليه و انه ممكن يموت فى اي لحظه ! , و مافيش مانع انه يحس انه هايموت لوحده و ان ماحدش هايفتكره و يحط صورته صورة بروفايله , و يعمله بايدج " كلنا المرحوم فولان الفولاني " ( او حمص الحمصاني ) ! , و كمان يكتبله على بروفايله انه مش مصدق انه مات و انه واحشه قوي , و قد ايه هو مفتقده , و يقعد يكتبله على بروفايله كام ذكرى كانو فيها مع بعض .
ليه حاسين ب كده يا واد يا تييييييييييين ؟؟؟؟
بطبعنا ك " امسانات " ( هي كده صح ) , حقيقة اننا هايجيلنا يوم و نموت , و اننا ممكن نموت فى اي لحظه , ما بتبقاش محطوطه ف بالنا فى الصف الاولاني ( حاجزه بالكون ) , و ده لأننا لو على طول الموضوع ده فى بالنا , ف الحياه هاتقف و محدش هايعمل حاجه فى حياته , غير انه هايستنى كل ثانيه جايه فى الطريق , اللى ممكن قوي تكون جايبه الموت فى ايدها "انجاجيه" ! . انما الحقيقه اننا بنفكر و بنخطط و بنعيش على اساس اننا هانعيش على طول , و ممكن قوى تلاقي واحده من خططك وقت تنفيذها هو السنه الجايه او الشهر الجايه ( زي انك بتفكر تجيب شراب بصوابع على طلعة رجب مثلا ) و فعلا بتبتدي تجهز للخطه دي مع انك ممكن تموت و انت بتقرى الكلام ده دلوقتي !!! ( فقري , انا عارف ) . و كمراهقين و شباب , ف حياتنا مليانه حاجات كتير قوي , و زحمه جدا , لدرجه تخلينا ماعندناش وقت اصلا نفكر فى نفسنا , مش فى الموت بقى اللى اصلا مش فى الصفوف الاولانيه ! .
بطبعنا ك " امسانات " ( هي كده صح ) , حقيقة اننا هايجيلنا يوم و نموت , و اننا ممكن نموت فى اي لحظه , ما بتبقاش محطوطه ف بالنا فى الصف الاولاني ( حاجزه بالكون ) , و ده لأننا لو على طول الموضوع ده فى بالنا , ف الحياه هاتقف و محدش هايعمل حاجه فى حياته , غير انه هايستنى كل ثانيه جايه فى الطريق , اللى ممكن قوي تكون جايبه الموت فى ايدها "انجاجيه" ! . انما الحقيقه اننا بنفكر و بنخطط و بنعيش على اساس اننا هانعيش على طول , و ممكن قوى تلاقي واحده من خططك وقت تنفيذها هو السنه الجايه او الشهر الجايه ( زي انك بتفكر تجيب شراب بصوابع على طلعة رجب مثلا ) و فعلا بتبتدي تجهز للخطه دي مع انك ممكن تموت و انت بتقرى الكلام ده دلوقتي !!! ( فقري , انا عارف ) . و كمراهقين و شباب , ف حياتنا مليانه حاجات كتير قوي , و زحمه جدا , لدرجه تخلينا ماعندناش وقت اصلا نفكر فى نفسنا , مش فى الموت بقى اللى اصلا مش فى الصفوف الاولانيه ! .
طيب امته بنفتكر الموت ؟؟؟ ...... بنفتكر الموت لما نشوفه قدامنا او نسمع عنه , حد قريبنا يموت , شهداء فى فلسطين , ضحايا ف سوريا , او ضحايا الغدر فى بورسعيد . لما بتحصل حاجه زي دي , بيحصللنا نوع من الصدمه , بتختلف فى قوتها و مدتها تبع قوة الحدث , يعني لو جدي اللى بيحتضر بقاله قرن مات , مش هاتأثر قوي , زي ما اتأثرت بموت صاحبي الانتيم فى التحرير . و لو قريت فى الجرنان عن ضحايا تفجيرات فى ليبيا , مش هاتأثر بيهم زي اخويا اللى راح الماتش و رجعتلي فانلته المتقطعه بس ! . اتأثر بجدي اسبوع , و بصاحبي 6 شهور و بأخويا سنه , و ب التفجيرات يا دوب 4 او 5 ساعات . تأثّرنا طبعا بيختلف من واحد للتاني لكن الاهم , ان الاحداث الاخيره دي , كانت المفتاح اللى خللى ناس كتير مننا تحس انها ممكن تموت فى اي لحظه .
لو بصينا و ركزنا و بحلقنا , هنلاقي ان اللى ماتو فى بورسعيد , شباب زينا , اطفال و مراهقين .... كانو بيعملو حاجه عاديه (زيينا برضو) ا, انهم بيتفرجو على ماتش . عادي يعني , كلنا ممكن يروح الاستاد و يتفرج على ماتش , حاجه طبيعيه بتحصل كل يوم ! . و فجأه .......... الناس دي ماتت . و اللى جه فى بال معظمنا ساعتها : يوه ! , ماتو !! ... ازاي كده ؟! مش المفروض اننا نموت على الاربعين مثلا ؟! مش المفروض ان الصغيرين بيعيشو عادي و الكبار هما اللى بيموتو ؟! . اغلبنا بيفكر كده , و الطبيعه بتقول ان الواحد بيبقى صغير , بيكبر , و بيكبر تاني , و بعدين بيموت . مش ده المفروض , لكنه على الاقل المنطقى ب النسبالنا . و يا سلام لو كنت تعرف حد من اللى ماتو او عندك حد يعرفه و بيعمله تاج فى حاجات , ف انت تخش تشوف بروفايله , و تاخدلك لفه فيه , و انت مش قادر تستوعب ان صاحب البروفايل ده شخص ما بقاش عايش تاني ! . و مع كل ده , كان لازم تتأثر قوي , و صدمتك تكون كبيره , و فكرة الموت تاخد الصف الأولاني فى دماغك لوحدها كده و تأنتخ فيه !.
طيب و بعدين يا عم ؟! , هانفضل فى الحال ده كتير ؟؟
مش ب الضروره , لأنك انت اللى فى ايدك تفضل حزين او فرحان , حتى و إن كنت انت الوحيد اللى فرحان فى حياتك ! . لازم نسيطر كويس قوي على مودنا و مانسيبوش يسيطر علينا , لأن كم الزعل و الطاقه السلبيه دي , هايدخلونا فى اكتئاب فظيع و شنيع احنا مش محتاجينه اكيد فى حياتنا . مش معنا كده اننا ما نزعلش على كل اللى ماتو , ولا ان كل الكلام المكتوب فوق ده تريقه على او سخريه من اللى بيعمل اي حاجه منه , و انما هو مجرد رصد لحاجات بتحصل فعلا مش اكتر . ممكن قوي تحزن , و ممكن تعيط و تبقى صورة الناس دي قدامك دايما , لأن الحزن على حد - خاصة لو ما تعرفوش - بيبقى من ارقى المشاعر . لكن فى نفس الوقت , مش ضروري صوره سوده , مش ضروري شير لحاجات , ممكن قوي ما تكونش حقيقيه , مش ضروري ستاتس حزينه و بوستس فى بروفايل الشخص ده انه واحشك و مفتقده , لأنه مش هايشوفها , و مش هايرد , و انما فى اغلب الحالات الناس هاتعتبرك مجرد بتتظاهر ب الحزن ده , مع انه اكيد فى اغلب الاوقات حزن حقيقي فعلا ( فى ناس بتمثل قوي ) . و ما تنساش انك كمان بتزود حزن اهله كل ما يشوفو المكتوب , الأحسن من كل ده , أنك تدعيله , و تعمل كل اللى كان بيحبه .
مش ب الضروره , لأنك انت اللى فى ايدك تفضل حزين او فرحان , حتى و إن كنت انت الوحيد اللى فرحان فى حياتك ! . لازم نسيطر كويس قوي على مودنا و مانسيبوش يسيطر علينا , لأن كم الزعل و الطاقه السلبيه دي , هايدخلونا فى اكتئاب فظيع و شنيع احنا مش محتاجينه اكيد فى حياتنا . مش معنا كده اننا ما نزعلش على كل اللى ماتو , ولا ان كل الكلام المكتوب فوق ده تريقه على او سخريه من اللى بيعمل اي حاجه منه , و انما هو مجرد رصد لحاجات بتحصل فعلا مش اكتر . ممكن قوي تحزن , و ممكن تعيط و تبقى صورة الناس دي قدامك دايما , لأن الحزن على حد - خاصة لو ما تعرفوش - بيبقى من ارقى المشاعر . لكن فى نفس الوقت , مش ضروري صوره سوده , مش ضروري شير لحاجات , ممكن قوي ما تكونش حقيقيه , مش ضروري ستاتس حزينه و بوستس فى بروفايل الشخص ده انه واحشك و مفتقده , لأنه مش هايشوفها , و مش هايرد , و انما فى اغلب الحالات الناس هاتعتبرك مجرد بتتظاهر ب الحزن ده , مع انه اكيد فى اغلب الاوقات حزن حقيقي فعلا ( فى ناس بتمثل قوي ) . و ما تنساش انك كمان بتزود حزن اهله كل ما يشوفو المكتوب , الأحسن من كل ده , أنك تدعيله , و تعمل كل اللى كان بيحبه .
لو بصينا كده ( اللى نظره ضعيف يلبس "لينشز" ) و تخيّلنا اللى ماتو لسه عايشين معانا , ما اعتقدش ابدا انهم هايبقو مبسوطين لو شافونا قاعدين زعلانين و حاطين ايدينا على خدنا , و كل حاجه فى حياتنا واقفه , و مش هايبقو فرحانين و هما شايفينا بنموت نفسيا قبل ما نموت بجد ! . هما اكيد مش عايزين كده , و مش مبسوطين لده ! . قولنا قبل كده كتير , ازاي نخرج من حالة اكتئاب او ملل فى الحياه . قولنا قبل كده ان الوقت بينسّي , و مع الوقت حزننا ده - اللى جزء كبير منه عباره عن خوف من الفراغ اللى سابه الناس اللى ماتت فى حياتنا و خوف من السستم اللى اتغير ببعدهم عننا - هايقل و هانتعود على الحياه من غيرهم و هانعيش .
الموت موجود , ممكن ييجي فى اي لحظه
لكن الذكي اللى ما يعيشّ فيه و يتعامل
عيش حياتك كأنك هاتعيش على طول
و قضّي يومك كأنه آخر ايامك
يعني استمتع بيه على قد ما تقدر
و ظبط حياتك و أمشي زي ما الدين بيـ.....
ولا اقول , لينا بوووووست آخر
عن المراهق و الدين
D=
ملحوظه كلبوظه : ك العاده أتأخرت فى البوست , لكن الحال ما كانش مشجع ابدا على اي كتابه من اي نوع بصراحه , معلش بقى .... يا ترى تفتكرو , نعمل بوست عن الفالنتاين ولا فاكس ؟؟
الموت موجود , ممكن ييجي فى اي لحظه
لكن الذكي اللى ما يعيشّ فيه و يتعامل
عيش حياتك كأنك هاتعيش على طول
و قضّي يومك كأنه آخر ايامك
يعني استمتع بيه على قد ما تقدر
و ظبط حياتك و أمشي زي ما الدين بيـ.....
ولا اقول , لينا بوووووست آخر
عن المراهق و الدين
D=
ملحوظه كلبوظه : ك العاده أتأخرت فى البوست , لكن الحال ما كانش مشجع ابدا على اي كتابه من اي نوع بصراحه , معلش بقى .... يا ترى تفتكرو , نعمل بوست عن الفالنتاين ولا فاكس ؟؟
|
ههههههههه حلوة كالعادة دى عشان احنا خلاص فقدنا الامل فيك :P
انت مش بقيت تقرا الكومنتس اللى على البوستس ولا ايه ؟!
المهم البوست جامدة جدا طبعا و قلت بجد المفيد
انا كنت بفتح الفيس بوك بحس انو عزا كبييييير كلو اسوووووود و صور ميتين - الله يرحمهم - الواحد كان بيدخل الفيس يعيط و يطلع تانى !!
بس والله مش بايدنا ...
عارف لما تحس ان مفيش اى حاجة ممكن تعملها غير انك تدوس على زرار share عشان غيرك يعرف الحقيقة او عشان يعرف قد ايه الناس دى بريئة !
انا معاك انو غلط اننا نجيب السلبية دى كلهالنفسنا و اننا كده بنزود الموضوع سوء اكتر
بس الصدمة كانت كبيييرة اوى علينا و احنا من اول ما الثورة قامت بناخد صدمة ورا التانية مش بنلحق نفوق
كلنا اتخيلنا نفسنا مكانهم عشان زى ما قلت هما زينا و بيعملو حاجات زينا !
المهم :)
ايوه اعمل بوست عن الفالانتين
- و اهى حجة عشان تكتب تانى كمان يومين :P - بس يارب مش تتنشنا بقى كالعاده :P
aywaaa e3ml post 3n elvalentine .... waiting
shahinaz =):P
نور
بقراها ولله
بس ما بلحقش ارد
:))))
اولا
ثانكس على كلامك و مشاركتك على طول معانا
ثانيا
عارف ولله ان الواحد ما بيدرش يقاوم
و بيحس انه لازم يعمل حاجه
بس مش 24/7 بنعمل
لازم نحكم عقلنا فى النهايه و ما نسيبش عواطفنا تمشينا
بس
:)
........................
شاهيناز
ثانكس قوييييييييي
و جاري الكتابه اهو
:)
أولًا: أعتذر جدًا عشان بقالي كتير مبعديش هنا، معلش .
ثانيًا: التدوينة دي أنا معجب بيها جدًا، محسساني بروح عمرو سلامة لو تعرفه :)
ثالثًا: أنا متأكد إن كل الكلام المزعج ده هينتهي يومًا ما.
منّور...
منور إيه؟!، دي مدونتك، يبقى أنا اللي منوّر :D
اولا
مالوش لازمه الاعتذار
هو فى حد بيعتذر لما م يعديش على بيته
ده مكانك يا عبده ( اسمحلى اقولك كده :) )
تنورنا فى اي ووووقت
:)
ثانيا
عارف عمر سلامه اكيد
ربنا يخليك بجد
ماتعرفش كلامك ده مفرحني ازاي
:)
ثالثا
آمين يا رب
و طبعا طبعا
انت منورنا زي ما قولت
يا مرحبا يا مرحبا
نورك غطى ع الكهربا
:)