بتعدي ايامنا فى الدنيا دي بشكل لطيف جدا
ساعات سريعه قوي ( اسرع من سرعة الكبريت ) ....
ساعات بطيئه "سو موت " ( ابطأ من الجده بطه و هي بتلضم الابره )
ساعات فيها تجديد و الوان
و ساعات روتين و ممله .... اكل , شغل او دراسه , أكل , نوم , نوم , نوم , نوم ... و نوم !
لكن ايّا كان الشكل اللى الايام بتعدي بيه , ف الأكيد اننا فى كل يوم من دول بنقابل بشر و بني آدمين (و ساعات حيوانات ) نعرفهم من زمان , لسه عارفينهم , او لسه هانتعرف عليهم . و مع كل يوم بيعدي , شبكة علاقاتنا شكلها بيتغير , من المدرسه للجامعه للشغل . سامعك ياللى ورا يا منشكح انت ! ..... العلاقات مش معناها ابدا واحد و واحده بيحبو فى قصة حب ! .... العلاقات دي متنوعه و كتيره جدا , حب , صداقه , أخوّه , ابوّه , امومه ...إلخ .
ساعات سريعه قوي ( اسرع من سرعة الكبريت ) ....
ساعات بطيئه "سو موت " ( ابطأ من الجده بطه و هي بتلضم الابره )
ساعات فيها تجديد و الوان
و ساعات روتين و ممله .... اكل , شغل او دراسه , أكل , نوم , نوم , نوم , نوم ... و نوم !
لكن ايّا كان الشكل اللى الايام بتعدي بيه , ف الأكيد اننا فى كل يوم من دول بنقابل بشر و بني آدمين (و ساعات حيوانات ) نعرفهم من زمان , لسه عارفينهم , او لسه هانتعرف عليهم . و مع كل يوم بيعدي , شبكة علاقاتنا شكلها بيتغير , من المدرسه للجامعه للشغل . سامعك ياللى ورا يا منشكح انت ! ..... العلاقات مش معناها ابدا واحد و واحده بيحبو فى قصة حب ! .... العلاقات دي متنوعه و كتيره جدا , حب , صداقه , أخوّه , ابوّه , امومه ...إلخ .
فاكرين زمان ؟؟ .... العلاقات كانت ابسط ما يكون , ده صاحبي و دي اختي , ماما و بابا , بخاطرهم و ساندي بنات الجيران , و عم عيد البواب . لكن كل ما بنكبر , بنلاقي العلاقت تبقى معقده اكتر , بتزيد الحدود فيها و القواعد و اللى ينفع و ما ينفعش ( و المستنيل على عينه ) . ف هتلاقي مثلا ان مش كل الناس " صاحبي " و خلاص .... لأ , ابسليوتلي يعني .... ده في معارفي , زمايلى , صحابي , انتيمي .... درجات كتير فى علاقة الصداقه لوحدها . و بتفضل مع الوقت تكتشف ( و تتخرع ) ازاي العلاقات بقت معقده و محتاجه تفكير ب الشكل ده ؟! .... لحد ما هاتكتشف فجأه انك بتواجه مشكله , اغلب التينز (و المش تينز) بيواجهوها .... أن أن أااااااان تششششششششششششش ( موسيقى تصويريه على شان الشاصبنس ) .
تحديد المسافات فى العلاقات البشريه ..... مشكله دخل فيها ناس كتير بدماغهم ( 5 حالات ارتجاج بسيط و اتنين حول ) . هي فين يعني المشكله ب الظبط يا واد يا تيييييييييييين ؟؟؟ ..... ممممم , على شان يبقى الموضوع واضح اكتر , خلينا نقول ان العلاقات البشريه عامله زي الحبل قوي , الحبل ده ماسكه من كل طرف واحد , و فى نص الحبل ب الظبط علامه , اللى هي اعلى مرتبه فى العلاقه ....... كل ما كنت قريب من النص , كل ما كان الشخص اللى على الطرف التاني قريب منك .
لكن هنا تظهر المشكله , لأنه ساعات تلاقي انك انت ماسك الحبل كويس جدا , و الطرف التاني لأ ..... فجأه , الطرف التاني يسيب الحبل , و هووووووووووووب! الحبل يرد فى وشك , يدألجك على الارض و يعورك فى وشك , و هايوجعك قوي . و ساعات تانيه , تلاقيك انت واقف و فى قمة الانشكاح , قريب من العلامه اللى فى النص , و الطرف التاني واقف عند طرف الحبل و بيلعب بي أكس ( الجيل الجديد من البلاي "ستيشم" ) ..... الطبيعي انك هاتتعب من كتر ما انت بتحاول تشوفه و هو واقف بعيد , و عمال تدور عليه كل شويه , هاتحس انكو لوحدك قوي ! . و ساعات تالته , تكتشف انك عمال تشد الحبل بكل طاقتك على شان يفضل مشدود و مفرود و آخر "ألاجه " و الطرف التاني ماسك الحبل يا دوب بصوابعه ( غالبا عنده شلل ) .... ايديك هاتوجعك , و هاتفك منك , لأنك عمال تشد و تشد فى الحبل آلون ! .
العلاقات , زيها زي اي حاجه تانيه فى الدنيا , لازم تكون متوازنه ( زي ما كريستال عملت سمنتين كده ) .... يعني لازم تكونو على نفس المسافه من العلبه .... إحم, النص , لام تكونو ماسكين الحبل بنفس القوه و شادينه بنفس القوه . غير كده ما ينفعش , و هاتتعبو قوي .
طيب احدد مسافاتي فى علاقاتي ازاي يا واد انت ؟؟
الموضوع بسيط ....اقعد مع نفسك فى مره , و انت بتاخد دوش , او و انت نايم بليل ... اي وقت مناسب تفكر فيه يعني و تشغل مخك و هات كل البشر اللى تعرفهم واحد واحد. المفتاح " الأشاسي " لتحديد المسافه , هو انك تشوف انت عند اللى قدامك ايه . بمعنى , ان اغلب الناس لما تيجي تحدد مسافاتها بتقول : آه , انا بحكي لحنكش و بستريحله و بسأل عليه , يبقى هو انتيمي .... هيييييييه حددت مسافتى فى علاقتي . مبروك , كسبت معانا عربيه بحمارين ! , غلط ! .... زي ما انت شوفت حنكش ب النسبه ليك ايه , لازم تشوف انت ب النسبه ليه ايه ... يا ترى هو كمان بيحكيلك ؟ , هو كمان بيسأل عليك ؟ , هو بيستريحلك ؟؟ .... لو آه , ف يبقى انت انتيمه زي ما هو انتيمك و الدنيا بيس ... لكن لو لأ , ف ممكن قوي تطلع مجرد زميل ب النسبه لحنكش , او صديق ... و بكده العلاقه مش متوازنه و محتاجه تحديد للمسافات .
يا ترى ليه لازم نحدد مسافاتنا فى علاقاتنا و كدزه يعني ؟؟ .... لأنه ببساطه , كل شكل علاقه ليه حدود معينه , حاجات بيسمح بيها و حاجات لأ , حاجات لازم تتعمل و حاجات لأ , و توقعات تتبني لمستوى معين . يعني انا اتوقع من زميل الدراسه انه يسلم عليا الصبح و ممكن يقولى أخدنا ايه لما كنت غايب الترم الاولاني , لكن ما اتوقعش منه انه يسأل عليا , يكلمني على التليفون , يسمع مشاكلي و يحلهالي ... لأن التوقعات دي مش مفروضه عليه ابدا , دي مفروضه اكتر على الانتيم . زي ما قولت فوق , اني لو مش محدد مسافتي صح , ف هابقى معتبر حنكش انتيمي , و هاستنى منه انه يعمل الحاجات اللى بتفرضها عليه العلاقه , زي ما انا بعمل ب الظبط .... لكن انا ب النسبه لحنكش مجرد زميل , و هو ب التالى بيتعامل ب الحدود بتاعة الزماله ... ف لما ما يعملش اللى انا متوقعه منه , هاتعب نفسيا , و هازعل و هاتضايق و هاقول ليه كدزه ! . و هنا يا اما هاتبعد عنه لنفس مسافة الزماله , او هاتحاول تخليه يقربك منه .
و هنا لازم نعرف انواع العلاقات من الابعد للأقرب :
معرفه : دي ناس بتشوفها مره فى القرن و التواصل الوحيد مابينكو "سالفل , سالنور"
زميل : و غالبا الزماله بتبقى مرتبطه بمكان , شغل او دراسه , ده آخرك تسلم عليه و تسأله عن اخباره " عامل ايه , الحمد لله " و انتهينا على كده .
معرفه : دي ناس بتشوفها مره فى القرن و التواصل الوحيد مابينكو "سالفل , سالنور"
زميل : و غالبا الزماله بتبقى مرتبطه بمكان , شغل او دراسه , ده آخرك تسلم عليه و تسأله عن اخباره " عامل ايه , الحمد لله " و انتهينا على كده .
صديق المكان : ده برضو مرتبط ب مكان الدراسه او الشغل او غيرهم , و بمجرد ما المكان يتلغى من حياتك , الصداقه بتنتهي و بتبقى مجرد فيس بوك و شات كل 3 شهور ! , لما تشوفه , هتلاقي انك بتسلم عليه , بترغو شويه فى حاجات عامه ( مش "سخصيه" قوي ) , و ممكن تتكلمو على التليفون مره كل شهر ولا حاجه , و تخرجو مره فى السنه .
الصاحب : ده بيبقى بني آدم بتستريحله , بتتكلم معاه فى حاجات عامه و شخصيه شويه , تحكيله مشكله و 4 لأ . تتكلمو على التليفون مره كل اسبوع او اسبوعين , و بتتقابلو فى نفس الحدود .
الأنتيم : بتحكيله اغلب مشاكلك , بتكلمه على التليفون فوق المرتين فى الاسبوع , و بتقابله فى نفس الحدود . بتستريحله , و هو بيفهم و يحس بيك من غير ما تتكلم . ممكن تكدب عليه ساعات ( مش هاياخد باله قوي ) , لكن الأكيد انه هايبقى مستعد يسمعك و هايبقى جمبك فى اي وقت . لما يكلمك على التليفون , عمره ما هايقولك ما بتسألش و بتاع ... لأنه بيتصل بيك لمجرد انك مهم فى حياته و هو عايز يتطمن عليك . مش مجرد بيردلك مكالمه انت كلمتهاله !
بعدين نيجي للأشكال النادره :
مرحلة الراحه : دي المرحله اللى بعد الانتمه على طول , الشخص اللى بتوصل للمرحله دي انت و هو , بتبقى مستريح جدا جدا و انت معاه , كأنك قاعد مع نفسك ب الظبط , ما بتفكرش كتير و انت بتتكلم ولا و انت بتتصرف , بتحكيله كل حاجه و اي حاجه . بيفهمك و يحس بيك جدا و بيبقى عارف كمان امته بتكدب ! (لو عندك من ده , أقطع علاقتك بيه احسن :)) )
2×1 : و دي أعلى مرتبه فى العلاقات , المرتبه اللى فوق العلامه اللى فى نص الحبل ب الظبط ..... المرتبه دي , نادر قوي لما تلاقي اتنين بيوصلولها , و ده لأن الوصول ليها صعب , و كمان الناس بكلامهم و حسدهم بيموتوها بدري . المرحله دي هي مرحلة الروح الواحده فى جسمين .... بيبقى فيها نوع من التفاهم و الاحساس ب اللى قدامه رهيب ... كل الفروق بتدوب , سواء كانت فلوس او غيرها ... فلوسنا واحده , مشاكلنا واحده , و موجودين دايما لبعض . هتلاقي الاتنين بيكملو كلام بعض , و بيعملو حاجات كتير جدا زي بعض ب الظبط ... بيشوفو بعض كل يوم تقريبا , و بيتكلمو فى نفس الحدود ... بيبقو على اكتر من راحتهم لأنهم واثقين انهم عمرهم ما هايفهمو بعض غلط , عارفين ان اسرارهم و نقط ضعفهم فى آمان , و عارفين انهم بيتمنو لبعض يكونو احسن من بعض , بيتعبو لبعض و عمرهم ما بيستنو ماقبل من بعض .
مرحلة الراحه : دي المرحله اللى بعد الانتمه على طول , الشخص اللى بتوصل للمرحله دي انت و هو , بتبقى مستريح جدا جدا و انت معاه , كأنك قاعد مع نفسك ب الظبط , ما بتفكرش كتير و انت بتتكلم ولا و انت بتتصرف , بتحكيله كل حاجه و اي حاجه . بيفهمك و يحس بيك جدا و بيبقى عارف كمان امته بتكدب ! (لو عندك من ده , أقطع علاقتك بيه احسن :)) )
2×1 : و دي أعلى مرتبه فى العلاقات , المرتبه اللى فوق العلامه اللى فى نص الحبل ب الظبط ..... المرتبه دي , نادر قوي لما تلاقي اتنين بيوصلولها , و ده لأن الوصول ليها صعب , و كمان الناس بكلامهم و حسدهم بيموتوها بدري . المرحله دي هي مرحلة الروح الواحده فى جسمين .... بيبقى فيها نوع من التفاهم و الاحساس ب اللى قدامه رهيب ... كل الفروق بتدوب , سواء كانت فلوس او غيرها ... فلوسنا واحده , مشاكلنا واحده , و موجودين دايما لبعض . هتلاقي الاتنين بيكملو كلام بعض , و بيعملو حاجات كتير جدا زي بعض ب الظبط ... بيشوفو بعض كل يوم تقريبا , و بيتكلمو فى نفس الحدود ... بيبقو على اكتر من راحتهم لأنهم واثقين انهم عمرهم ما هايفهمو بعض غلط , عارفين ان اسرارهم و نقط ضعفهم فى آمان , و عارفين انهم بيتمنو لبعض يكونو احسن من بعض , بيتعبو لبعض و عمرهم ما بيستنو ماقبل من بعض .
لو حددت مسافاتك فى علاقاتك , عمرك ما هاتتعب ابدا او تتصدم فى حد .عمرك ما هاتستنى من حد أكتر من اللى هايقدمه ,و عمرك ما هاتدي حد أكتر من اللى يستاهله . صحيح هاتتصدم كتير بعد ما تعمل ده , في كم الناس اللى كنت فاكر انك قريب منهم و علاقتكو قويه , لكن بعد كده هاتبقى مبسوط جدا . و طبعا لازم تحط فى حسابك , ان الناس بتتغير ... يعني ممكن اللى قريب منك النهارده , بكره يبقى بعيد ... و البعيد يبقى قريب ... يعني بمعنى أدق , مش تقييم واحد للمسافات للعمر , بيبقى اكتر من وحد , كل فتره كده . ده غير ان اللى لازم يبقى أكيد , اننا ك بشر , أحنا اللى بنتحكم فى العلاقات , مش هي اللى بتتحكم فيها ... طول ما الطرفين عايزين العلاقه هاتكمل و هاتفضل مهما كانت الظروف ... لكن لو كان واحد بس , ف العلاقه هاتتضعف و تموت فى الآخر !
مش كل علاقات الحب ابطالها سِندعرّه و البرنس أشارمينج
و مش كل علاقات الصداقه ابطالها بيلا و جايكوب ( بتوع فيلم الجميله و "مشّاص" الدماء و السلعوه )
الحياه اوقع و اكبر , الحياه فيها ورق
ورق ايه ؟؟
لينا في ده بووووست آآآآخر
D=
و مش كل علاقات الصداقه ابطالها بيلا و جايكوب ( بتوع فيلم الجميله و "مشّاص" الدماء و السلعوه )
الحياه اوقع و اكبر , الحياه فيها ورق
ورق ايه ؟؟
لينا في ده بووووست آآآآخر
D=
|
مبدئيا مبروك ان البوست هتبقى يوم السبت من كل اسبوع :D ده كان حلم حياتى بس يااارب نلاقيها السبت فعلا و مش تاخدك مننا مشاغل الحياة بقى
كلامك صح جدا جدا جدا بس فى مشكلة بقى
ان ممكن انا و الشخص اللى ماسك معايا الحبل بنكون فعلا وصلنا لمرحلة 2*1 و دى فعلا حصلتلى مع صحبتى و فجأة كده تلاقى كل حاجة بدأت تتغير :D انا مش عارفة ليه و لا ازاى بس تلاقى ابتدينا نبعد شوية عن بعض ... اه مش بقينا نكره بعض خالص لا بردو صحاب و صحاب انتيم كمان بس مش زى الاول !
انا اللى قصدى اقولو ان حتى بعد ما تحدد علاقتك مع الناس اللى حواليك توقع ان احتمال ولو صغير ان العلاقة دى تنتهى عشان لو انتهت متبقاش اتصدمت و لو منتهتش تبقى عشت حياتك عادى :D
http://www.assayyarat.com/
thank you
جزاك الله خير
http://www.mawahib.net
ياااه :D...اخيرا عادت المذكرات و بقوة !
عودا احمد يا ادهم..و متبقاش تغيب كدة :D
بص يا سيدي
شيكسبير قالك ايه ؟؟
I always feel happy, you know why? Because I don’t expect anything from anyone. Expectations always hurt
مهما كان الشخص دة قريب مني ااكيد يهيجي يوم و هيخيب املي..ماهو اصل دي الحياة..فانا شايفة من ساعة ما شوفت مقول شيكبير دي بصراحة وانا بطبقها..و فعلا بقت الحياة اريح بكتير :D
نور
اثباتا لحسن النيه
انتي شايفه اهو
برد على الكومينتس على طول
:)
ممكن قوي تكونو بعدتو على شان الظروف
او على شان تفكيركو اتغير شويه
ف ما بقاش بيسمح ب التوافق اللى كان موجود زمان
عايز اقول اننا احنا اللى بنتحكم فى العقالات
يعني لو عايزين نرجع 2*1 هانرجع
طالما احنا الاتنين عايزين ده و بنعمل لده
مافيش مانع تروحي تكلميها و تقوليلها
أحنا كنا كذا و بقينا كذا و حابه نرجع زي الاول
:)
الناس بتتغير و العلاقات ب التالى
لكن مش هافضل متوقع كل حاجه تنتهي
لكن ما يمنعش ان كل كام شهر اعيد تقييم علاقاتي
ساعتها لو فى علاقه حبلها بيتقطع
هابقى مستعد لده
من غير ما افضلا حاطط الفكره فى بالى من الاول
:)
................................
دينا
منوره البلوج حقيقي
و ياريت تتابعينا دايما
:)
..............................
سمر
يخليكي لينا أسمر :)
عارفه الناس بيخيب املها ليه ؟؟
على شان اللى بقول ليه
مش محددين مسافاتهم
ب التالى بيبنو توقعات اكبر من حجم العلاقه
لكن لو انتي محدده مسافاتك صح
توقعاتك هاتبقى على قد المسافه
و عمرك ما هاتتصدمي ابدا
و هاتبقى مستريحه اكتر من شيكسبير
لسبب بسيط
الحياه من غير توقعات
مالهاش طعم و ممله
لكن الصح , نبني توقعات ليها اساسات فى الواقع
و ب التالى نتجنب الصدمه
:)
لا والله مش مصدقة انك رديت على طول :D
بس عندك حق فعلا مليون لايك للبوست دى مستنية البوست اللى وراها بقى :)