و الواحد صغير , بيعرف معاني جميله قوي : زي الصداقه و الحب و الصدق و الصبر و الخير و التسامح ...و بيعيش وسط المعاني دي طول فترة الطفوله
بيشوف فى الأغاني بتاعة الأطفال - لأ مش بتاعة بوس الواوا...انا بتكلم ع القديمه بتاعة ماما نجوى - و فى الكارتون كل المعاني دي و اكتر - زي لما بيكاتشو يفضل يكهرب فى آش , بس برضو بيشيلو على كتفه !! - و طبعا بيكبر على اساس ان كل الناس زي الكارتون , بيحبو الخير و بيكرهو الشر و ان العالم فيه ناس " وحشين اشرار " وناس " طيبين " - زي بات مان و سوبر مان و ما ننساش كرومبه اكيد ! - , و بيفضل كل طفل عايش فى .................
فقاااااعه كبيرهلأ لأ ...مش فقاقيع صابون - سافو بيعمل فقاقيع كتير برضو - ....انا هنا بتكلم عن فقاعه من المثاليه - و فى ناس ساعات بتسميها بقُليله و الجمع بقاليييييل !! - ...فقاعه بمبي , فقاعه من القيم و المبادئ و المثل العليا و الاحلام و الخيال و قصور السحاب
و بعدين ييجي الطفل يطير بفقاعته على مرحلة المراهقه , و هوووووووووووووب.......
ييجي مع اول احتكاك بالعالم و الفقاعه بتاعته تفرقع
و هنا فى 4 انواع من المراهقين و الفقاقيع
الأول
ده لما فقاعته بتفرقع بتفرقع فرقعه هاديه , ماحدش بيحس بيها و بينزل منها على الارض - ارض الواقع - و هو واقف على رجليه , و على طول يمشي و يروح هنا و هناك
التاني
و ده فقاعته بتفرقع ..يعني , بصوت شبه مسموع و بينزل من الفقاعه و يتكعبل , و ممكن يقع على الارض , بس على طول بيقوم ينفض ايديه و يكمل مشي عادي
التالت
بووووووووووم !!..انفجار هايل للفقاعه بيسمع كل اهل الأرض - اهل المريخ بيشتكو من الصوت ساعات - ..... و بينزل من الفقاعه على وشه - ساعات سنانه بتتكسر او يلزق فى الأرض ! - و بيقضل زي ما هو و ما يقمش , لحد ما البلديه تجيب امر ازاله للشارع !!
الرابع
بيفضل زي ما هو فى الفقاعه , بعيد عن الناس و العالم , و عايش فى الحياه البمبي و المثاليه ...غالبا دول بيتعبو جدا فى حياتهم و فى النهايه ....الفقاعه بتفرقع برضو و بيعملو زي النوع التالت
سامع حد بيقول : و الفقاقيع بتفرقع ليه يا حج تييييييييييييين ؟؟
لأن ببساطه , الواحد بيكتشف ان العالم مش بمبي و فيه ناس طيبه بتحارب " الشريرين "
بيكتشف ان مش كل الناس عندها مبدائ و قيم
يكتشف ان مش كل الناس ليها وش واحد , و انما غالبا بيبقى عند كل واحد كذا ماسك -يوه !.. قنااااع , قناااع...هو كل شويه حد يقول مش فاهم !! - بيلبسه فى كل وقت ( و ده طبعا بيفكرنا بالأغنيه الشهيره بتاعة : انا هقلع القناع يا بوي و ارقص و ادلع يا بوي ....اللى بتعلمنا ان الواحد لازم يقلع " الكِناعات " و يرقص و يدلع )
ده غير انو بيتخدع فى ناس كتيييييييييرو كل التجارب دي و اكتر منها بتخلى فقاقيعنا تفرقع يا اما براحه , او بشده
و هنا فى البلوج جبنالكو الحل الأكيد لكل مراهق او حد اتصدم فى حياته و فقاعته انفجرت - و غرقت الجيران صابون او سافو - و مش عارف يعمل ايه
جبنالكو الحل الأكيد - للمرأه المصريه العصريه " الجوهره تيلى شوب :) " - و اللى هو كلمه واحده .....
الأختبااااراااات
لازم فى حياتنا نعمل اختبارات فى كل وقت و فى كل مكان
مش معنى كده اننا نكون شكاكين ...نو نو نوووو , ابسليوتلي يعني !
انما اننا لازم نختبر اللى قدامنا لو بنقابله للمرأه الاولى و ما نتسرعش فى اننا نتطمن لده و ده و نديه كل اسرارنا و حاجتنا ...او نسلفه فلوسنا حتى !!
على شان ما نتخدعش فى حد , و عشان ما نتعرضش لصدمات فى حياتنا
ده غير ان بعد ظهور " جهاز " الانترنت , و ظهر مفهوم جديد للصداقه , و هو صداقة النت , بقينا بنتخدع اكتر و اكتر
طيب
نعمل اختبارات ازاي ؟؟؟
سؤال بيطرح نفسيته اكيد
فى انواع كتير من الاختبارت فى الحقيقه , بس هانديكو شوية امثله يعني
و طبعا اكيد لازم بيكون ليك صديق انت واثق فيه فى حياتك , و ده اللى هايساعدك غالبا فى اختباراتك ( ممكن نسميه حباصه ! )
روح مثلا قول سر قصاد اللى انت عايز تختبره...سر مش هايضرك لو اتنشر - زي انك بتفطر كل يوم توست و مربى !! - و اوهمه انو سر خطييييييير ولازم ماحدش يعرفه .... و استنى فتره , و لو الشخص ده مش محل ثقه السر ده هايوصلك تاني بشكل او بآخر !
روح مثلا , و هزر مع الشخص ده هزار سخيف شويه , رخم عليه شويتين ....و سيبه فى الآخر لتاني يوم , و شوف هايقلب عليك ولا لأ .. و لو هو شخص من الشخصيات القلابه , هاتعرف اكيد من حباصه !
شوف الشخص بيعاملك ازي و بيتكلم معاك ازاي , و اوعى يعرف ان حباصه انتيمك ... و لو هو بوشين , هايتكلم عنك اكييييد وحش قدام حباصه , اللى هاييجي يقولك اكيد !
و اخيرا , ممكن تسأل الشخص ده شوية اسئله بسيطه , كنوع من التعارف , او افتكر كل معلومه بيقولها كويس ...و مع الايام صحابه او الزمن - و ما ننساش ان الوقت كالسيف , ان لم تقطعه... ممكن يصدي ولا حاجه ! - هايثبتولك ان كان كداب ولا صادق
و شخصيات زي دي , كدابه او منافقه او قلابه , يستحسن انك تبعد عنها , لأنها كلها صفات بتجيب صفات اكبر و اوحش معاها للأنسان اللى بيتصف بيها
و اهم حاجه انك تصبر و تتأنى فى اختياراتك , و احكامك ع الناس
يا اما هتلاقي نفسك زي " اليس فى بلاد العجائب " !!
انيس مين !!
لا لا
ده انت لازم تستنى البوست اللى جاي احسن
D=
|
البوست جامد جداً جداً جداً
انا تقريبا بوهم نفسى انى لسه ف فقاعة...مع ان ناس كتيير اووى فرقعتهالى ....بس كل مرة برجع ليها تانى ولا كأن اى حاجة حصلت...يمكن الفقاعة دى سبب انى بعدت عن الناس ...لانى بكل بساطة مش هعرف اختبرهم و اعرف كويسين ولا لا...بس انا لسه شايفه الحياة بنبى...مش بنبى اووى يعنى هى بنبى منقط اسود...بس ف اغلب الاوقات الدنيا مش وحشة اووى يعنى .. :)
جميــــل قوى يا أدهم الكلام ده
واكيد 4\3 التيييينز من النوووع التـــانى :)
وبالنسبه للاختبارات بتاعت الصداقه اظن ان فيه ناااس بتبقى متمرنه انها تعدي من الكلام ده كلوا و لما تثق فيه يخدعــك :|
ال4 انواع من الفقاعات دوول بيغيروا كتير فى شخصيه الانسان يا بيكون اقووى ويقدر يكمل طريقه يا بيكوون زى ما هوو محلك سر اتاثر باللى حصله وفضلت الصدمه مآثره عليه فتره طويله اووى
حلوو اووى البوست يا ادهم :)
دندنشه
مرسي ليكي كتير
و اكيد الدنيا مش وحشه
بس اوعي تبعدي عن الناس
و الوحده مش كويسه
و ان كنتى مش بتعرفى تختبري
خدي اصدقائك
من جوا عيلتك
اكيد عرفاهم كويس
ولا اييييييه ؟؟
......................
اسسسسسسسسسسس
مرسي يا باشا
و معاك جدا فى النفطه دي
اما التانيه
ف ماعتقدش ان لو عايز يخدعك
هايتعب نفسو قوي كده
دي بتبقى ناس فاضيه اساساااا
..............
ربااااا
الف شكر يا جميل
و انا فاهم ده كويس
و مريت بيه كتيييييييييييير
و اوعي حاجه تأثر عليكي
:)
بجد بوست راااااااائع يا ادهم
يتهيئلى ان انا الفقاعة باتعتى مفرقعتش كلها
لسة فاضلها شوية
و يمكن انا اللى بثبتها بمزاجى عشان مش عايزة اشوف الدنيا سودة اه فى وحش بس اكيد الاحسن اكتر
دة بس عشان عنينا مبتتركزش على الحلو زى ما بنركز عالوحش
لو كان العكس كان زمان فكرتنا عن زماننا الاسود دة اتغيرتا خااالص
حاجة اخيرة بقى عارفة انى طولت معلش
البوست دة خلانى اسأل سؤال عمال يتنطط فى دماغى من ساعة ما قريت البوست
ايه الاحسن
انى اعيش جوة الفقاعة و اشوف ادلنيا بمبى بمبى
ولا انى اعيش براها؟؟؟
بس هو دة السؤال :)
اسلوبك جمييييييل جدااا انا كبرت وبعدت عن المراهقة سنيا لكن لسه فى اثار منها للاسف....اسلوبك رائع فى الكتابة والعرض كمان...مدونة تستاهل المتابعة بجد
سمر
مرسي ليكي كتييييييييير
و معاكي جدا فى نقطة التركيز ع الوحش دي
و انا من رايي اننا من الاحسن نعيش برا الفقاعه
على شان نكون واقعيين
نشوف الدنيا صح
و نتعامل معاها صح
لأن لو عشنا جوا الفقاعه هايتم استغلالنا بأبشع الطرق
و احنا مش حاسين
ليه ؟
لأننا شايفين الدنيا بمبي
!
...........................
خوخه
نورتي اكييييييييد
و ياريت الاثار تكون كويسه مش وحشه يعني
مع ان للأسف دي مش مطمناني
و بعدين
مرسي بجد على كلامك الجميل
و تشجيعك الاجمللل
:)