- انا اسمي تين ( ما احنا اتفقنا بقى انو مش من اللى بيتاكل ! ) , و انتى اسمك ايه ؟؟
- انا اسمي ريم .... آآآ...معاك سندوتسات " اصل سنانها واقعه " ايه ؟؟
- معايا لانسون سيكي دودو " هو كمان سنانه واقعه ", و انتي ؟
- انا معايا جبنه بيضه بالخيار ....تيجي نبدل ؟؟
- ماسي !
و خدو الشندوتشات " اصل سناني مش واقعه :) " , و جريو يلعبو ع المرجيح و هما بياكلو( بتخلى الأكل يتهضم اسرع ) فى حضانة الطشفل السعيد
ده ببساطه الشكل الرسمي لتكوين الصداقه فى عالم الأطفال ...مجرد تبادل الاسماء - و الأكل ساعات - بيّكون صداقه ممكن تستمر طول العمر , لأنها دايما صداقه لمجرد مفهومها الاساسي و بس....الصداقه " و ساعات على شان الحلويات و العصير برضو " , لأن الطفل أكيد ما يعرفش يعني ايه مصلحه او كده
فى المرحله دي , ممكن قوي الولد يقعد جمب البنت و يلعبو مع بعض كتير فى حصص الألعاب - و ع الزحاليق ساعات - و فى غديوات كتير ( يوه ! , ما احنا عرفنا يعني ايه غديوه المره اللى فاتت !! ) , و عادي جدا انو يقول دي صاحبتي و البنت بتقول لأهلها على كل صحابها الولاد .
فى المرحله دي , ممكن قوي الولد يقعد جمب البنت و يلعبو مع بعض كتير فى حصص الألعاب - و ع الزحاليق ساعات - و فى غديوات كتير ( يوه ! , ما احنا عرفنا يعني ايه غديوه المره اللى فاتت !! ) , و عادي جدا انو يقول دي صاحبتي و البنت بتقول لأهلها على كل صحابها الولاد .
و بيستمر الأسلوب ده لنهاية المرحله الابتدائيه تقريبا , و بيخش الطفل المرحله الأعداديه ...........
لو الطفل كمل فى نفس المدرسه , فغالبا بيفضل معاه نفس الناس من الحضانه , اما لو راح مدرسه جديده فهنا بيقعد فى اى مكان فاضي بيلاقيه , و طول الحصه اللى بييجي فيها , بيسمع همسات على كام حد بيبصله او بيشاور عليه , لحد ما تخلص الحصه و يتلم عليه باقى الفصل - زي ما يكون كائن فضائي - , او بيتلم الفصل على اللى قاعد جمبه - اهو اى حاجه من ريحته و خلاص - على شان يسألوه عن الواحد الجديد ..... و بتعدي فتره من الزمن , و بعد عدد من الاسئله للولد الجديد " او للى قاعد جمبه " بيتعرف على كل اللى فى الفصل و على صحابهم كمان , و هنا الصداقه مش بتكون لغرض الصداقه و بس , ساعات بيتخللها حاجات تانيه , زي الحمايه - هايضرب اللى يزعلوني , سامعين ! - , او زي الشهره او السلطه - ابن الناظر , او مدرسة الألعاب مثلا - , و لكن فى الأغلب الصداقه ما بتفقدش معناها الحقيقي
و هنا ممكن الولد يقعد فى " التخته " - الديسك يعني للى جايين من بلاد بره - اللى جنب البنت ....بس ماينفعش يلعب مع البنات فى الألعاب ......كوره و بس - او ممكن يتخانق مع العيال التانيه , او يقعد لوحده على سلم المكتبه - , الغديوات بقت قليله و فى السر , و ممكن ساعات يقول دي صاحبتي , بس غالبا الأمر ما بيسلمش من تبريقه كده ولا كده , و ممكن محاضر قصيره " ساعتين مثلا ! " , و البنت ما بتقولش لأهلها على معظم صحابها الولاد " اصلها بتنسى منهم شويه ساعات "
و يجي الطالب يخش ع مرحلة المراهقه , و معاها يدوس على اعتاب المرحله الثانويه - خش برجلك اليمين الله يباركلك , وخلي بالك من السلمه المكسوره ! - , و هنا الطلبه الجداد بيبقو قليلين - لأن محدش بيجي اساسا ! - ......, و بتفقد الصداقه جوهرها و معناها , و بتبقى الصداقه الحقيقيه حاجه نادره جدا - زي الحاجه اللى مش مغشوشه او مش من الصين - و بيتحكم فى الصداقه شوية حاجات كده
يا ترى ايه هما يا واد يا تييييييييين ؟؟
هما.........
صداقة المصلحه
و ده النوع الاكثر انتشارا , و دي بيكون الهدف من ورا الصداقه مجرد مصلحه شخصيه , زي السلطه او الفلوس - لو حد من بتوع هين نفسك ولا تهين قرشك - , او حتى الشهره ..... و دي غالبا بتبقى شلة البنات او الولاد المشهوره فى مكان ما , و كل الناس بتحاول تصاحبهم على شان يبقو مشهورين و كووووول ...و فى كمان الحمايه " اهو بدل ما نشتري بودي جارد ( اللى هو حارس جسم بالعربي ) "
صداقة ثبت صنم
عارفين لعبة ثبت صنم ؟؟
صفين من الناس قدام بعض , و واحد بيمشي فى النص , و هووووووووب ...ياخد على قفها من غير ما يعرف مين اللى عملها
اهو النوع ده زيها بالظبط , تلاقيك بيتعمل فيك مواقف مش لطشيفه خالص , و كل اسرارك بقت مع كل الناس فجأه , و تلاقي الناس زعلانه منك و ما تعرفش ليه , و ده بيبقى بسبب حد انت تعرفو بيعمل كل ده من غير ما تشوفو - و فى ناس بتقول انو بيبقى معمولك عمل....دستووووور !! - لحد ما ييجي اليوم اللى تشوفه و هو بيرجع ايديه لمكانها , او ممكن حد بيوريهالك !
و الهدف من ورا النوع ده مجرد الانتقام او مجرد متعة انك تعمل حاجات مش تمام فى واحد تاني " فى ناس بتقول انو مرض , و يفيد فى الحاله دي دهان للانف 5500 مره فى اليوم "
صداقة الكوبري
زي ماهو واضح من الاسم , ان الهدف منها مجرد استعمال الشخص ده كمجرد كوبري , للوصول لحاجه تانيه هو ليه علاقه بيها , زي لو عايز يتعرف على بنت مثلا , يتعرف على صاحبتها الانتيم الاول ..... او لو ليك قريب مشهور , بيصاحبك انت الأول "او ممكن زي انك تشتري هابي ميل من ماك على شان اللعبه مش السندوتش ! "
و بتتعدد الاغراض و بتتنوع , لكن فى بعض الحالات بتنشأ الصداقه الحقيقيه الدائمه , اللى غابا بتكون يا اما من المرحله الثانويه او الجامعيه , و فى الوقت ده ماينفعش انك تقول ع البنت صحبتك , و مافيش لعب من اساسه و الغديوات بقت مجرد ذكريات - اغنية عمرو دياب :) - , و غالبا البنت مش بتقول لأهلها على صحابها الولاد , لأن فى مجتمعنا الشرقي بيبقى من العيب ان البنت يبقى ليها صديق انتشيم او مش انتشيم ولد " اكرر لا يختلط الزيت بالماء !! "
و احنا صغيرين بيبقى كل واحد فينا عايش في فقااااااععععه
فُكاعة سابون !!
لا لا
استنى البوست الجاي و انت تعرف
D=
|
صداقة المصلحه
صداقة الكوبري
صداقة ثبت صنم
ال3 انواع دول انا مريت بيهم واحب اقولك انهم بيوجعوا اوى القلب خصوصا لما يبقى البنى ادم كويس ع الناس وبيراعى ربنا فيهم
ومعرفتش معنى الصداقه الحقيقه غير مع 4بس لحد دلوقتى ربنا يديمهم عليا :)
بجد بجد انا عجبانى اوى كل مواضيك
و فعلا عندك حق الصداقة بقت شئ نادر دلوقتى و بقى صعب انك تلاقى حد كويس بس اهو ادينا عايشين
البوست دة جه فى وقته :)
لسة انا مجربة موضوع ثبت صنم دة من يومين
بس عارف
من كتر ما بنشوف انواع الصداقات اللى مش صداقات دى فى حياتنا فمبقتش مفاجأة اننا نتعرض ليها اه بتوجع اوى اوى بس مبتبقاش مخضوض خالص
بس فى صداقات كتير بتبتدى من ابتدائى و يتهيئلى ان هى دى اللى بتعيش و انا شخصيا مجرباها و لسة معايا صاحبتى اللى صاحبتها من ساعة موضوع السندوتشات دة :]
و اكيد مفيش نقاش على اسلوبك :)
ربا
منورانا كالعاده بالكومينتس بتاعتك
و عايز اقول انك لما بتقدمي الكويس
بتتوقعي ان تتقابلى بالمثل
و لكن للأسف بنلاقي العكس
!!
و يارب يديملك الاربع اشخاص دول على طول يا رب
:)
............................
دندشه
يا الف اهلا وسهلابيكي فى المذكرات
نورتينا ولله
و مرسي على كلامك بجد
فرحت بيه قوي
و ياريت تشرفينا بالكومينتس و الزياره على طول
و اهو ادينا عايشين
!!
......................
سمر
لوووول
طب كويس ولله انو جه فى وقتو
و بجد معلش على ثبت صنم اللى حضلك
بس على رأيك من كتر اللى بيحصل
بقى الموضوع عادي
و بقت الصداقه الحقيقيه هي اللى غرييييبه
و انا كمان على فكره
نص صحابي من ايام الشندوتشات
لوووول
و بجد مرسي ليكي كتييييييييير
:)
تحفة جدا بجد
بس الواحد بقاله كتير اوى بيقرا ع ماخلص كتاباتك كلها :D
بس كلها تستحق الواحد يقعد لها بجد
بالنسبة لموضوع الصداقة ده بقى
عارف ف نوع كده م الناس لا هما اصحابك ولا هما مش اصحابك حاجة كده ف النص
وغالبا دول ماشيين بمبدأ معاك معاك عليك عليك
هو انت مش صاحبهم بس مش عايزين يقطعوا معاك لعل وعسى يحتاجوا حاجة دول ممكن يتحطوا تحت صداقة المصلحة بس دول بجد حتى اقل من انهم يتحطوا ف صداقة المصلحة
بس انا اصحابى بقى من ايام الهمسات والكام بصة :D
لا بجد اسلوبك تحفة جدااااااااا
gooooo on ;)
امال
مرسي بجد بجد على كلامك الجميل
فعلا البلوج نورب بيكي و بمشاركتك
كل صفحححه نورت
و فعلا انا عارف النوع ده
و فعلا فعلا
دول لا يستحقو انهم يطلق عليهم اصدقاء اساسا
انا شفت منهم كتيييييييييير
و استني البوست اللى جاي بقى
:)
بـــــــــــــجد يا ادهـــــم حـــلو قوى الكلام
واكيد كلـــنا مرينا وعدي عليـــنا الصداقات ديه كلها و (ثبت صـــنم) ديه اكتـــر نـــوع الى كلنا بننخدع فيــه :)
الى الأمام يا دومــي
^_^
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
إسو
عدينااااااااا كتيييير
منورنا يا اسلام أكيد
......................
غير معرف
سعيد انها عجبتك
^_^