الناجح يرفع ايده ( او رجله , لو ايده وجعاه يعني )
ده اليوم ده عيدنا و عيده
و نقول و نقول , " منشكحين " على طول
دايما على طول دايما ...... على عررررررررررررررررررررض
و بالأغنيه دي أجازة ناس كتير بتبت
دي , و اجازة ناس تانيه بتنتهي !
و سواء كانت اجازتكو ابتدت او انتهت فمن م
موقعي هذا بهنيكو انكو خلصتو
خلصتو من احساس المغص ( او القلق يعني اللى شبه المغص ) اللى بيبقى قبل النتيجه
عارفين الاحساس اللى بيبقى فى بطنك
و رئتينك كده , كأن فى هوا بيمشي فيهم !!
ما علينا من شكل الأحساس
إلا انو احساس سخيف و
خلاص , و بالذات فى الكام ساعه اللى قبل النتيجه
الوقت ما بيمشيش و الساعه ما بتجريش و الواحد بيبقى
نفسه فى طلقة مخدر تخليه يغمى عليه لحد النتيجه
المهم لو جبت مجموع كويس فألف مبروك و تزيد كمان فى تالته او لو كنت خلصت , فان شاء الله ع الكليه اللى انت عايزها عدل
لو بقى مجموعك مش قد كده او كدهوّن فبنقولك معلش و هارد لوك هارد لوك يعني
لو في تانيه فخليك عارف انك كل ما تكون جايب اقل
, فرصتك انك تزود مجموعك بتبقى اكبر بكتير
يعني اللى جايب تسعين ممكن يزود مجموعه اقل من اللى جايب 60
و لو كنت فى تالته فالخاص ما سابش لحد حاجه
و لو ناوي ع الحكومه فان شاء الله تروح على حته تستريح فيها
و خليك دايما عارف ان ماحدش بيشتغل بشهادته
يا دوب كورس انجليش و DCL ( هي كده صح ! ) و تشتغل فى فودافون بأعلى مرتب !
الكورسات ما خلتش حد فى نفسه حاجه
اما تهزيق الأهل فعادي يعني و ده الطبيعي
ليه يا واد يا تييييييين ؟؟
لأنهم بيبصو ع المجهود الجبار و الشاق اللى عملوه فى السنتين او السنه المنصرمه
و على كم الفلوس المهول اللى صرفوها فى دروس و كتب خارجيه و اكل ( ما الواحد برضك يحب يتغذى و هو بيذاكر بدل ما عينيه تزغلل و مايوشفشي الكلام )
ده غير بقى انهم شايفينك نازل الدرس و طالع من الدرس و داخل
الاوضه و خارج منهم ( حبة اهالى جالهم حول من كتر الدخول و الطلوع )
و قاعدين طول السنه يتخيلو يوم النتيجه و المجموع المذهل اللى انت هاتجيبه
و لما بياخدو فى وشهم النتيجه , بيتصدمو بقى و كل الاماني و الاغاني بتتحطم و بيطلعو غلهم و حسرتهم اللى فقعر بطنهم على سعادتك
و نفتكر مع بعض قول الشاعر هاني شاكر : كله اكّسر كله اتغير كله اتدمر !
فى تانيه ثانوي عامة , اغلبنا بيبقى داخل مش عارف يعمل ايه ولا يذاكر ازاي حيث انو قضى اولى لعب .... لأنك اكيد مش هاتقعد 4 سنين ورا بعض تذاكر جامد , اكيد هاتفصل فى النص
. ده غير ان عمرك ما مشيت بنظام الامتحان اخر السنه و بس و مافيش بقى لا نص سنه ولا امتحانات شهور ولا غيره ! ولا امتحنت برا مدرستك . و بالتالى برضو اغلبنا بيتلزق على قفاه فى تانيه و يطلع تالته يجيب مجموع قوي ( مهو معاه خبره بقى و عارف الدنيا ماشيه ازاي ) .
طيب انت قاعد ترغي عن النتيجه من الصبح لحد ما صدعنا ! ..... عيد ميلاد مين اللى انت قولت عليه المره اللى فاتت ؟؟
يوم 3/7 اللى فات كان في عيد ميلاد حد انتو نسيتوه
و ماحدش جابله هديه ولا حتى حتة جاتون يسند بيها نفسيته ( اصله ضعفان يا حبة عيني )
ولا حتى حد كتبله ع الفايس ولا عبره بأس ام اكس صغيره
الحد ده هو ..... هو ..... لأ لأ اكيد مش انا ..... الحد ده هو......
صفحات من مذكرات مراهق
تا تا تاااااااااااااااا دوم تش بوم ( حبة تأيرات لولويه لزوم الشاصبنس )
ايون , المذكرات كملت سنه بالتمام و الكمال
سنه رغينا فيها
سنه عملنا كومينتات
سنه عملنا بايدج
سنه عملنا فانز و متابعين
سنه فرحنا فيها لبعض
سنه واسينا فيها بعض
سنه شوفنا فيا الثوره و غيره و غيره
سنه اتكلمنا فيها عن حاجات كتيييييييييييير جدا
سنه صدعناكو فيها من كتر الرغي و الكلام
و كل سنه و مذكراتنا طيبه
اتكلمنا عن المراهقه و الحب و الصحوبيه و الصداقه
و لعبنا بالفقاقيع و و الورق و الفوانيس و الجرادل
كمان مشينا مع الولد و البنت و مشينا مع انيس فى بلاد العجايب
و خدنالنا لفه فى السكولا و اليونيفرسا مع بعضيشنا
فاتت سنه علينا ..... اتناقشنا و قرينا و استفدنا
و ان شاء الله تفوت سنه تانيه نتكلم فيها اكتر و نضحك فيها اكتر و اكتر
انا مش هارغي اكتر لأني بقالى سنه برغي
لكن هاسيبكو المره دي انتو ترغو
آه ترغو .... مش ترّغّو و تملولنا الدنيا رغوه و صابون ( اصلنا لسه مسيقين المكان عقبال عندكو كده )
تحبو تقولو ايه للمذكرات فى عيد ميلادها ؟
ايه اكتر حاجه اتكتبت فيها عجبتكو ؟
و ايه اكتر حاجه اتكتبت زهقتكو فى عيشتكو ؟؟
ايه اكتر جمله المذكرات قالتهالكو و ضحكتو عليها ؟؟
ازاي ممكن المذكرات تغير من نفسها و تكون احسن ؟
حابين تشوفو فيها ايه قدام ؟.... حابينها تكلمكو عن ايه ؟ و ايه لأ ؟
سنه حلوه يا جميل
سنه حلوه يا جمييييييل
سنه حلوه يا مذكراتنا
سنه حلوه يا جميييييل
سنه جديده سعيده ان شاء الله
ملحوظه كلبوظه : الاوبل بوفيه على ايدكو الشمين :))
|
يااااه
سنة !!!
مبدئيا
كل سنة و المذكرات بتمتعنا و بتفيدنا دايماااا كدة
بجد انا استفدت منها كتييير اوووى و من غير مجاملة ...فعلا فعلا اسلوبك اللى بتكتب بيه بيوصللنا و سهل "التينز" يقتنعوا بيه غير لما نلاقى دكتور عمال يرص فى كلام مش مفهوم
كــــــــل البوستز عجبتنى بس اكتر كام بوست عجبونى (انيس فى بلاد العجائب و احلامك اوامر و استرجل)
اكتر حاجة ضحكتنى التعليقات اللى بتبقى بين قوسين دى :D
يتهيئلى هى دى الاجابات اللى عندى عالاسئلة اللى فوق دى و يا رب ان شاء الله نشوف المذكرات فى كتاب قريب :)
و كفاية رغى بقى :D
مرسي بجد يا سمر على كلامك الجميييييييل
و يا ريت ترغي كمان و كمان
لأننا بنرحب بأي رغي من اي نوع هنا
و ان شاء الله سنه جديده سعيده علينا كلنااااا
:)
a7b 22ol
3ed melad el lela meeen 3ed melad mozakratna :D
w bgd kont bstanaha w batab3ha 3ltol l2nha fadetny f 7agat kteeer 2wi
w a2ktr posts 3gbony bta3 el hadaia wel universa fdony gedan
2ma ba2a el schoola d7kny 2wy l2no f3ln ely be7sl belzbt
w hia bgd loz el 3nab kda ;) wakid ttklm 3n kol 7aga bt7slna kol youm w bnt3arad liha
.
.
.
a kol dah!!! wade7 eny ed3adet mnk ya teen :P kfaia soda3 b2a :D
ههههههههههههههههههههههه
اسلوب لذيذ جداا
استمتعت واانا بفرأ البوست دا
مع اني كل ما اشوف صورة اقول خلص البوست كدا
انزل الاقي لسة فيه تكملة D:
كل عام والمذكرات بخير
انا اول مرة ادخل هنا ف مش هعرف اقول رأيي
بس هبقا اتابع ان شاء الله ^_^
امنيه
كالعاده , المذكرات منوره بيكي
و بعدين الرغي مفيض للصحه
خرجي الكبت اللى عندك هنا بدل ما تخرجيه فى حته تانيه :)
مرسي بجد ليكي و لكلامك الجامد ده
و ان شاء الله سنه كمان تعدين علينا كلنا بسعاده
.................................
سمسمه
مرسي ليكي بجد ع الكومينت الحلو ده
ده من زوقك ولله
بعدن خليكي عارفه ان الصور جزء اساساي من اي بوست هنا
على شان كده بيبقى في 3 صور ع الأقل فى كل بوس
اما النهايه فدايما بتبقى صغنونه .... كام سطر لونهم احمر
و آخرهم ابتسسساااامه عرييييضه
و تابعينا على طوووول بقى
:)