عيب ! .... انت مش كبرت على كده ؟!
بجمله زي دي , حاجات حلوه كتير بتنتهي فى حياتنا ...... احنا دلوقتى فى رمضان ( كل سنه و انتو طيبين و بالصحه و السلامه ) , يا ترى حسيتو بيه و هو جاي ؟؟ ..... كنتو فرحانين زي كل سنه ؟؟ ..... اعتقد ان اغلبنا ما حسش اساسا ان رمضان قرب , ولا انه دلوقتى عايش فى رمضان ! . فاكرين ايام زمان ؟؟؟
لما كان الفانوس ده حاجه اساسيه ( زي ما يكون رمضان ما بيجيش من غيره ) لازم تتجاب قبل رمضان بكام يوم , وتقعد بقى تحلم بشكل الفانوس و تخطط للونه اللى لازم يكون مميز و مختلف عن باقي العيال , ده غير طبعا ( بعد م الفانوس بقى " سيني " ) الدقه فى اختيار الاغنيه .... رمضان جانا , وحوي يا وحوي , حلّو يا حلّو ..... ما علينا بقى بعد كده ان الفانوس اتطور و بقى بيطلع دخان و ميه و حاجات عجيبه .... إلا ان الفانوس كان فعلا حاجه مهمه , و يوم الرؤيه تلاقينا ملمومين حولين التلفزيون و مستنيين الراجل على شان يقول رمضان بكره , و ننزل جري نلعب بالفوانيس فى الشارع , و تلاقي كل واحد ماسك فانوسه و قاعد يلفه من غير مناسبه و تسمع " سيمفوليه " من اغاني رمضان المختلفه اللى كلها شغاله فى نفس الوقت ! .
ده غير طبعا كورس تنضيف الشقق و تعليق الزينه و الفوانيس فيها على شان نستقبل رمضان بقى .... و تلاقي الاغاني شغاله ع التلفزيون , و الناس عماله تشتري كم حاجات مهول , تقريبا ما بيستعملوش ربعه ! . لكن مع الوقت بتلاقي اغلب الحاجات دي بتنتهي , لا فانوس ولا زينه ... و يادوب هو كورس النضافه , و كام حاجه ع القد بنشتريهم ( الحاجات بقت غاليه بقى ) . و لو جيت تبص , هتلاقي ان اغلب الحاجات الى بنبطل نعملها - و اللى كانت بتحسسنا برمضان - بتبقى بحجة انو عيب و اننا كبرنا .
بجمله زي دي , حاجات حلوه كتير بتنتهي فى حياتنا ...... احنا دلوقتى فى رمضان ( كل سنه و انتو طيبين و بالصحه و السلامه ) , يا ترى حسيتو بيه و هو جاي ؟؟ ..... كنتو فرحانين زي كل سنه ؟؟ ..... اعتقد ان اغلبنا ما حسش اساسا ان رمضان قرب , ولا انه دلوقتى عايش فى رمضان ! . فاكرين ايام زمان ؟؟؟
لما كان الفانوس ده حاجه اساسيه ( زي ما يكون رمضان ما بيجيش من غيره ) لازم تتجاب قبل رمضان بكام يوم , وتقعد بقى تحلم بشكل الفانوس و تخطط للونه اللى لازم يكون مميز و مختلف عن باقي العيال , ده غير طبعا ( بعد م الفانوس بقى " سيني " ) الدقه فى اختيار الاغنيه .... رمضان جانا , وحوي يا وحوي , حلّو يا حلّو ..... ما علينا بقى بعد كده ان الفانوس اتطور و بقى بيطلع دخان و ميه و حاجات عجيبه .... إلا ان الفانوس كان فعلا حاجه مهمه , و يوم الرؤيه تلاقينا ملمومين حولين التلفزيون و مستنيين الراجل على شان يقول رمضان بكره , و ننزل جري نلعب بالفوانيس فى الشارع , و تلاقي كل واحد ماسك فانوسه و قاعد يلفه من غير مناسبه و تسمع " سيمفوليه " من اغاني رمضان المختلفه اللى كلها شغاله فى نفس الوقت ! .
ده غير طبعا كورس تنضيف الشقق و تعليق الزينه و الفوانيس فيها على شان نستقبل رمضان بقى .... و تلاقي الاغاني شغاله ع التلفزيون , و الناس عماله تشتري كم حاجات مهول , تقريبا ما بيستعملوش ربعه ! . لكن مع الوقت بتلاقي اغلب الحاجات دي بتنتهي , لا فانوس ولا زينه ... و يادوب هو كورس النضافه , و كام حاجه ع القد بنشتريهم ( الحاجات بقت غاليه بقى ) . و لو جيت تبص , هتلاقي ان اغلب الحاجات الى بنبطل نعملها - و اللى كانت بتحسسنا برمضان - بتبقى بحجة انو عيب و اننا كبرنا .
يعني نجيب فانوس و نجري فى الشارع يا تين !
اكيد لأ طبعا ! .... مع انه هايبقى مشهد كوميدي جدا , إلا انو ما ينفعش , لكن ليه مثلا ما تشتريش ماديليه فانوس صغيره و تحطها فى مفاتيحك , او تديها لناس بتحبهم ؟ ..... ليه ما تشغلش كام اغنيه من بتوع رمضان ع الكبيوتر و تعلي الصوت شويه ؟ .... ممكن تشتري فانوس كبير و تحطه قدام باب البيت ( بس ابقى اربطه بأي حاجه لا يتسرق ) , ممكن تغير ثيم موبايلك لثيم رمضاني , او تحط نغمه رمضانيه .... كلها حاجات بيسطه و هايفه جدا , لكن كانت بتحسسنا برمضان قوي و احنا صغيرين .
طيب فاكرين العيد زمان ؟؟؟ ..... كان ليه مجموعة طقوس و تجهيزات كتير جدا . طبعا و اولا , اللبس الجديد , م فيش عيد من غير طقم جديد ع الاقل و طبعا شراب جديد و جزمه جديده ( و شنطه العيد بتاعة الفلوس للبنات ) و مفيش مانع لو نضاره بلاستيك جديده و حزام جديد ... و كل ده يكون مكوي و متلمع و مرصوص جمب السرير قبل ما تنام . صحيح م كناش بنعمل كحك و كده , لكن كنا بنقف نتفرج , و مفيش مشاكل لو مسكنا واحده و حطينا عليها لمستنا الفنيه قبل ما تتخبز .... لكن وظيفتنا الاساسيه هي الاكل . و كالعاده , م كانش فى مفر من حُمّاية العيد , بعد حلقة العيد او قبل ما البنات تقعد بقى تعمل شعرها و تظبطه , ده غير السهر ... على شان نشيل زينة رمضان و نحط زينة و بلالين العيد .
لكن .... كبرنا , و الدنيا بقت زحمه , و الهدوم الجديده ممكن تيجي فى اي وقت , ليه ننزل فى زحمة العيد !! . و ممكن نستحمى بعد ما نرجع من الصلاه احسن . اما الزينه و البلالين .... فكده كده , احنا مافيناش حيل نعمل حاجه , لأننا طول الليل يوم الوقفه كنا بره مع صحابنا . الكحك فرن " الجهاد " بيعمله هايل , و العبد بيعمل غريبه هايله . و واحده واحده ... تلاقي روح العيد هربت منك , و م بقيتش تحس بيه , بقى زيه زي اي تلت او اربع ايام فى السنه . كم الطقوس المهول ده , بيروح يتفسح مع باقى الطقوس بتاعة المناسبات التانيه .... حتى لو خرجت فيهم , ف هتلاقي الخروجه مش زي بتاعة زمان برضو . و بعد ما كنت بتبص للكبار و تستغرب ازاي ما بيجيبوش هدوم جديده فى العيد ! و تحلف انك لازم هاتفضل تجيب هدوم على طول ... تكبر و تبقى مسخه طلق الاصل منهم .
ايه المشكله انك تجيب لبس العيد , الهدوم دي عامة مجرد رمز لحياه جديده بعد العيد و رمضان .... ايه المشكله انك تحط الزينه و البلالين و بعدين تنزل تخرج ! .... مش ضروري نعمل كميات كحك مهوله , لكن حتى لو عملنا نص كيلو اي حاجه , نحس بس ان احنا اللى عملناها ... بيبقى طعمها مختلف جدا ( ساعات بيبقى اوحش من الجاهز ) . ممكن تخلى اول يوم فى العيد لأهلك , تتلمو مع بعض و تخرجو مع بعض زي زمان .... برضو هتلاقيها حاجات بسيطه و صغيره جدا , لكنها بتعمل تأثير كبير قوي .
لكل سن طريقه .... يفرح بيها , يزعل بيها , يتخض بيها , و ينشكح بيها .... يعني أكيد لما الواحد مننا بيزعل من حاجه ما بيقعدش يعيط و يرفص فى الارض زي زمان , ده كانت نص عماير مصر وقعت !! . و نفس الموضوع مع العيب و اللى مش عيب ... و احنا صغيرين , عادي اننا نعلي صوتنا فى الشارع و نضحك بصوت عالى لحد ما بتوع زحل يحدفونا بحاجه على شان نسكت . لكن لما نكبر , ماينفعش اكيد طبعا تبقى ماشي , و نص مصر عارفه انت بتقول ايه ! . مع كده .... ساعات تلاقينا بنحبكها قوي و بنقول على حاجات كتير عيب و مش مناسبه لسننا و مش عارف ايه .
نادرا لما تلاقي واحد دلوقتي راكب عجله غير فى المصيف . و يقولك : اصلى كبرت عليها ! .... مش عارف ايه العيب فى العجله تحديدا ! , و بعدين هو انت بترجع تصغر فى المصيف تاني يعني !! . صحيح كل شوارع مصر مش مناسبه انك تركب فيها عجله , ولا سكوتر حتى , لكن مافيش مشاكل يعني لو تجرب .... مع انك هاترجع عندك اختناق , و مش بعيد عامل حادثه .... لكنك اكيد هاتستمتع قوي .
طيب تفتكر لو واحد من صحابك شافوك و انت بتشوف كارتون ولا بتقرى مجلة ميكي ؟؟؟ ..... او حتى شمّو خبر انك بتعمل كده ..... هايكون رد فعلهم ايه ؟؟؟؟؟ .... حاجه بسييييييطه قوي , مجرد وصله قصيره ( مدتها 4 شهور تقريبا ) من التريقه عليك و هما بيفكروك انك كبرت على الكلام ده و دي حاجات عيال , و عيب عليك ... ده انت كبرت . الكارتون فى حد ذاته مش عيب .... لكن العيب انك تتصرف زي الكارتون . الكارتون هو المخرج الوحيد تقريبا من الحياه الواقعيه بكل همومها و احزانها . مش عيب انك تشوف كارتون و تكون متابعه كمان , كلها نص ساعه فى اليوم تخرج فيها من المود و ترجع لأيام زمان . مش عيب انك تقرا ميكي و تحب بطوط و عصابة القناع ..... ميكي فيها معلومات ممكن قوي متلاقيهاش فى حته تانيه , او ع الاقل ممكن جدا انك تلاقي ناس كتيره مش عارفاها . الكارتون ما بقاش دلوقتى للأطفال بس زي زمان ..... يعني مين فينا ما اتأثرش لما ابو سمبا مات ؟ او فرح لما وودي و بظ ضربو سيد على قفاه ؟؟ او ضحك على بطوط و هو متنرفز ؟؟ .... ما اعتقد ان في حد ما حصلوش كده .
فى حاجات فعلا عيب , لكن اهمها و المنتشر جدا , انك تلاقي كام شاب كل واحد منهم قد ضرفة الباب , و ماشيين يتخانقو فى الشارع و يزقو بعض و مش بعيد ينطو على بعض و يدألجو سوا !! . حركات الاطفال دي عجيبه قوي بصراحه , و ما تنفعش ابدا ... يا فلان ده قاللى كذا , يا علّان ده عمللي كذا . خلاص , ده المفروض انو انتهى بصراحه !
الحياه عباره عن لوحه .... ليها تفاصيل عريضه ( دي اللى ممكن تشوفها من بعيد ) , و ليها تفاصيل تانيه صغيره , لازم تقرب على شان تشوفها , من غير التفاصيل العريضه , مفيش حياه اساسا ...... مفيش حياه من غير اكل او شرب او اهل . اما الرتوش البسيطه اللى لازم تقرب على شان تشوفها , هي الحاجات اللى مافيش حلاوه من غيرها ..... زي البهارات بالظبط . على قد ما البهار مجرد بودره , لكن الأكل ما يتاكلش من غيره . و الحياه ما تتعشش من غير التفاصيل البسيطه دي .... كارتون , وصله من الضحك القوي , ركوبة عجل طويله , ماتش كوره مع الصحاب , فانوس , طقم جديد او حتى وجبه هديه من كونتاكي . من غيرها , هتلاقيك بقيت عامل زي القرد بتاع لا ارى لا اسمع لا اتحدث العربيه .
معلش بقى اتأخرنا
بس قولنا نديكو وقت تاخدو على رمضان
بمناسبة الوقت صحيح .....
بس قولنا نديكو وقت تاخدو على رمضان
بمناسبة الوقت صحيح .....
ولا اقول .... لنا عن الوقت
بوووووست آآآخر
D=
D=
|
قلبت علينا الموااجع يا حج ادهم :)
على فكرة فى الظروف دى....بينفع اوى انك تحاول تفرح غيرك ..يعنى مثلا تعبئة و توزيع شنط رمضان
لو عندك اخوات او قرايب صغيرين القعدة معاهم بتفكرك بزمان و تحاول تعمل اى حاجة فرحهم تفسحهم او تعلمهم حاجة عن رمضان ..اى حاجة :)
بس الا هدوم العيد..دى مينفعش حد يتنازل عنها !
حلو البوست اوى و ادى حلول مفيدة كمان :)
هههههه معاك حق
انا لسة بشوف كرتون وبتابع كرتون كمان .. بس طبعا مش كتير زي زمان
...
و حاسة اني بدأت افقد معنى العيد
انا بردو وانا صغيرة كنت بستغرب جدا ازاي الكبار مش بيشتروا لبس العيد
بس مع الوقت بقيت احس ان مش لازم لبس العيد
مع اني لسة بجيب لبس العيد
وجالي فانوس صغنن كدا هدية بردو حاجة لذيذة
كان نفسي بقا اعلق فانوس بس محدش رضي D:
بس صلاة التراويح بقا والسحور والناس اللي صاحية طول الليل
ولما نتسابق مين قرأ قرآن أكتر
حاجات بتحسسنا بجو رمضان بردو
بوست لذيذ =)
100 % معاك حق، وبما إن أنا في نفس المرحلة فالبوست بالرغم من إنه ممتع إلا إن هوا مؤلم ! :)
مدونة مميزة جداً على فكرة.. عملتلها follow خلاص :)
يا ريت تعدي عليّا هنا :
www.3een-wants-to-see.blogspot.com
حلو اوي البوست يا تين تسلم ايدك انت عارف انا من زمان بقول كده بس بس هنقول اية بأه علي الناس الغريبه اللي فاكرين ان العادات القديمة شغل عيال واكتر حاجة بيتقالي عليها عيب وميصحش اكل المصاصة مش عارفة اية العيب في اني اكل مصاصة الحقيقه ومين قال ان في حلويات للاطفال وحلويات للكبار
شكرا على كلامك أكيد
و مين قال ان في الوان للكبار و الوان للصغيرين ؟
و خروجات للكبار و خروجات للصغيرين ؟
كل دي تصنيفات حطيناها احنا
و الشاطر اللى يكسر كل التصنيفات دي
:)