الميول ...... كلمه ليها تعريفات و معاني كتيره جدا . و يمكن من ابسط المعاني و اهمها , ميول الانسان ...... سواء كان عدواني , طيب , مؤذي , مسالم ...... او كان الانسان ده رياضي , او ممثل , او مغني , او أديب ..... او حتى كانت رقاصه فى كوبري قصر النيل ( شارع الهرم اتقفل ) .
لو بصيت حواليك و انت صغير ايام الابتدائي و الزمزميات و الضفاير , هتلاقي ان ميول كل العيال واحده ...... كلهم بيحبو يلعبو و يصرخو و يعملو دوشه لحد ما يفقدو الوعي فى الآخر . بعد كده بنكبر شويه و بنبتدي فى الاعدادي تبقى ميولنا نصين تقريبا , الولاد بيحبو الكوره , و الخناقات و التتنيح ع البنات . و البنات بيحبو احمد عز و مهند , و بيبتدو يتفرجو على فاشون تي في و يقعدو فى حصة الالعاب م يلعبوش , و طبعا بيعشقو البص للولاد بقرف .
و نخش ع الثانويه و ميولنا تبتدي تتغير تاني تغييرات بسيطه برضو , و بنتقسم شوية اقسام اكتر, كنا اتكلمنا عليهم فى بوست قبل كده . لكن هتلاقي ان المشترك بين اغلب الاقسام دي , ان الولاد بيبقو عنيفين اكتر , و اغلب كلامهم عن الكوره و الجيم و البنات . و البنات بيبقو رقيقين اكتر ( فلورا .... ناعمه و قويه , و كلها حنيه ) , و اغلب كلامهم عن الموضه و الولاد و الممثلين .
ساعات بقى بيطلع ناس فى النص , ميولها مختلفه , يعني مثلا بيكره الكوره , م بيحبش يتكلم عن البنات , بتكره الكلام عن الممثلين او الموضه و الميك اب , و شايفه ان دي سطحيه و الحياه فيها حاجات اهم نتكلم عنها . اكيد طبعا مش هاتروح بقى و تقف لوحدك على فى اي زؤر , و تستنى الفرج ( ممكن الدنيا تمطر مثلا او حد يجيبلك حاجه حلوه ) لأن كلام الناس او ميولهم مش عاجباك .
اول حاجه لازم تفهمها , ان لو ميولك مختلفه فده مش عيب ولا حرام , ب العكس , دي حاجه عاديه جدا ..... مش كل الناس زي بعض ( ده حتى صوابع رجليك مش زي بعضها .... حتى بص عليهم كده ) . يعني تعمل ايه لو انت م لكش فى الرياضه ؟؟ , بتكره الكوره زي عينيك و شايف انها اساسا حاجه متخلفه , و انها مجرد 22 واحد بيجرو ورا حاجه مدوره . او م بتحبش تتكلم عن البنات لأنك شايف ان ده هبل . و كنت بتحب الفلك و الفضاء , او الحيوانات و الطبيعه , او الكمبيوتر و التكنولوبيا , او حتى بتحب القرايه و الكتابه .... او بتشجع السلام العالمي و استعمال العقل الاول , م بتحبش الخناقات و الضرب و الشغل ده .
او انتي تعملي ايه لو شايفه ان الكلام ع الممثلين طول النهار, و المغنيين طول الليل حاجه تافهه و مستفزه . و الميك اب و الموضه و الاكسسوارات دي حاجات اساسا متخلفه , و كل واحد و ليه حاجات بتليق عليه من غير اي موضه . تعملي ايه لو كنتي بتحبي تعملي خير, تساعدي الناس . بتقري , و بتكتبي . او بتحبي الرياضه و متابعه جيده للكوره و السباحه ( و مصارعة السومو) . و شايفه ان اللون البمبي مستفز و بيتعب الاعصاب ؟
طب اعمل ايه يا واد يا تييييييييييييييين ؟؟؟
قبل ما تعرف تعمل ايه ..... لازم تعرف ده من ايه ؟؟ ( ونبي شاعر من يومي ) , السبب فى اختلاف الميول , حاجه واحده .....الاولانيه , هي التربيه ..... تربيتك ذات نفسها بتأثر فى ميولك , طفولتك و بيتك بيأثرو بشكل كبير عليها ... يعني لو طلعت فى بيت مالوش فى الكوره , غالبا , انت كمان مش هايبقى ليك فى الكوره .... و هكذا .
اما الحاجه التانيه , فهي ان عقلك يكون سابق سنك . و دي بتبقى بقى حاجات وراثيه حبتين . لكن الفكره ان عقل الانسان بينضج و يبقى واعي فى مراحل معينه . فى ناس بقى بتبقى سابقه المراحل دي , و ناس تانيه متأخرين عنها ( ناس عايشه الوهم بعيد عنكو ) .... ف هتلاقي ان تفكيرك بقى انضج قبل باقي الناس , و بالتالى الاهتمامات مختلفه . بعدين هما يحصّلّوك , يكون تفكيرك بقى اكبر منهم , و بتفكر فى مستقبلك و حياتك , و هما لسه بيفكرو فى رحلة دريم بارك بتاعة المدرسه .
لو انت من الناس اللى ميولها مختلفه , ف هتلاقيك غالبا حاسس ب الوحده على طول , و ده لأن م فيش حد يفهمك . و يمكن تحس ب جزء كده فى قلبك بارد و متجمد دايما و ده لأن م فيش حد يحس بيك او ب اللى جواك . اسرارك غالبا هاتبقى لنفسك , و هتلاقيك - لو انت من اللى عقلهم سابق سنهم - حلال المشاكل ( الميكانيكي الاجتماعي يعني ) , و كل واحد يجي يقولك مشاكله , لكن انت م بتلاقيش حد تحكيله مشاكلك !! ..... بتسمع كل الناس , لكن م حدش بيسمعك .
و هاتحس ان كل اللى حواليك بيتغيرو و انت ثابت مكانك , لكن الحقيقه انك اتغيرت قبلهم , و لسه بتتغير بس بمعدل ابطأ . و كونك م بتتغيرش , ده مش معناه انك غلط او مش صح او مش طبيعي . التغير ده بيتوئف على حاجات كتير جدا , منها تربيتك , و العادات و التقاليد ..... و الاهم , مبادءك ودرجة تمسكك بيها .
و هاتحس ان كل اللى حواليك بيتغيرو و انت ثابت مكانك , لكن الحقيقه انك اتغيرت قبلهم , و لسه بتتغير بس بمعدل ابطأ . و كونك م بتتغيرش , ده مش معناه انك غلط او مش صح او مش طبيعي . التغير ده بيتوئف على حاجات كتير جدا , منها تربيتك , و العادات و التقاليد ..... و الاهم , مبادءك ودرجة تمسكك بيها .
طب يا ترى الحل هو انك تسيب نفسك تتقوقز على نفسها التقوقز التقوقزي المتقوقز ده ؟؟ ( م حدش يسأل يعني ايه ! )
اكيد لأ, انما لازم انك تتاقلم ع الحياه و ع الناس و على كل الشخصيات ...... يعني لازم تبقى فليكسابول .... ايون , فليكسابول ( زي شاكيرا كده , ملكة جمال الفليكسابول فى العالم ) . يعني مش ضروري تصاحب الناس اللى زيك , لأنك نادرا لما هتلاقيهم .... الناس مختلفين , صاحب ناس مختلفه عنك , اتكلم مع كل الناس , كل البشر .... و كل مجموعه و ليها اسلوب و مواضيع تتكلم فيها . بمعنى اصح و زي ما بيقولو فى المناطق الشِعبِيه : جاري الجو , دنيتك تحلو . لكن فى نفس الوقت ما تبقاش اوفر او مش على طبيعتك .
و اتبع دايما مبدأ الانتشار , م تقيدش نفسك بمجموعه معينه و بس بتقف معاهم , اقف مع دول و دولن و دولم , لحد م فى النهايه هتلاقي جروب بتستريح و انت معاهم , و بتحب تقف معاهم اكتر من اي حد . و شويه شويه , هتلاقي منهم اللى بقى انتيمك و صديقك الصدوق ..... و لو مش عارف تعمل كده , ف بنقدملكو الحل الوحيد و المفيد ( مع اللؤلؤه تيلي شوب ) , هو انك تشغل نفسك و وقت فراغك ب اي حاجه من الحاجات اللى كنا قولناها قبل كده على شان م تديش فرصه لنفسك او لمخك انه يركز مع حالة الفراغ او الاحساس اللى ب الوحده اللى جواك .
و خليك دايما سخصيه مِتفائله و مشرئه ( اوبتشيمستشيك يعني ) .... و بص للنص المليان من الكبايه .... هتلاقي عندك عيله بتحبك , او ع الاقل اب و ام , اكيد مستعدين يسمعوك فى اي وقت , و يحسو بيك و بمشاكلك و يساعدوك , و يمكن كمان يفهموك .... تصور ! , بس لو انت اديتهم الفرصه .
يعني عارف لما حلم من احلامك يضيع مثلا
او امنيه من الاماني تتحطم على صخرة الواقع
عارفهم ..... دول لينا فيهم
او امنيه من الاماني تتحطم على صخرة الواقع
عارفهم ..... دول لينا فيهم
بووووووست آآآآآخر
D=
|
رائع كالعادة :D
بس بلاش أسلوب التشويق ده، خلينا نرضى بنصيبنا ! :D
لووووول
م فيش احلى م الشصبينس فى الحياه
:))))
و و تسلم يا باشا ع الكلام الجميل
و ب الاخص , ع المتابعه القويه دي
:)
جميييل جداا
ومعبر اوي
ملاقيش بقا هنا حل
للي اصلا مش لاقي حد زيه
ووقف مع كله ومش لاقي حد خالص D:
وباباه ومامته مش معاه
وملووش الا مدونته D:
..
منتظرين بقا البوست القادم ^^
bgd to7fa alpost da w al klam
roo3a w 2na b7b kol al posts aly hna
w 6re2t al klam nice 2wwy
سمسمه
مش هاقولك طبعا شكرا و كده
لأنك بقيتي واحده من الجمد المتابعين هنا
نيجي للمهم
انا لفيت عندك و ليا تعقيم .... بس مش هنا :)
اما الحل ف زي ما قولت
يمكن مش هتلاقي الحد اللى زيك ابدا
لكن لازم تتأقليم , شوفي حد قريب منك
حد بيكملك , او ع الاقل فاهم
بتستمتعي لما تكوني واقفه معاه
مش ضروري يكون زيك , ممكن يكون النقيض
بس الاهم انك بتكوني مستريحه معاه .
:)
............................
غير معرف
مرسي بجد على كل كلمه
انا انشكحت جدا فعلا
و ياريت بقى تفضل او تفضلي
متابع على طووووول
:)
like awy :D
انا اعرف البلوج دى من رمضان تقريبا
بس قريت كل البوستس القديمة ^^
عجبتنى اوى بوست ميال - بعيدا عن اسمها لانى بموت فى عمرو - بس حبيت الكلام اللى فيها حسيت انا اللى كتباه
اصل انا الدكتورة النفسية فى المدرسة و فى الجروب بتاعى ^^ و فى نفس الوقت مش بلاقى حد فاهمنى و لا حد يفكر معايا فى مشكلتى
و عشان كده بطلت احكى لحد حاجة ماهى مش فارقة :D
مستنية البوست اللى جاية
و معلش بقى رغيت كتير اوى :P
Noor
منورانااااااااا اكيد
كل صفحه و كل سطر نور ب مشاركتك و متابعتك لينا
و مرسي بجد على كلامك الجميل
عارفه
انا كمان كنت كده فى المدرسه
الدكتور النفساني اللى بيسمع المشاكل
و بعدين ارغي يا افندم
ده اساس البلوج هنا
الرغي :)
و خليكي متابعانا و شاركينا دايما بقى
:)
حلوة و جميلة دول بقوا قدام قوي
ممكن نقول فظيعة :D
بس بقا عازين بوست حلو كده عن الاحاسيس المتداخلة و المتلاخبطة الديما بنحس بيهاو الصراعات (حبة اكشن:D ) و لما فكرة سلبية تبقا مسيطرة علينا اوي و نقعد نفكر فيها ليل و نهار و كده تكون عملت فيا جميلة :D
هديييييييير
منوره كل صفحه من صفحات المذكرات اكيد
و اوعدك ان شاء الله فى القريب العاجل
يبقى في بوست عن السلبيه فى حياة المراهق
:)
و على فكره
لو خدتي لفه فى البلوج
هتلاقي فعلا فى بوستس عن الكلام ده
:)